historia ya bukombe

Halmashauri ya Wilaya ya Bukombe ni moja kati ya Halmashauri sita (06) zinazounda  Mkoa wa Geita. Ilianzishwa Julai mwaka 1995 kwa tangazo la serikali Na.205 la mwaka 1998 ambapo  Baraza la Halmashauri ya Wilaya liliundwa rasmi mwaka 2000 baada ya uchaguzi Mkuu wa Rais,Wabunge na Madiwani. Wilaya hii kwa sasa imegwanyika na kuwa wilaya mbili (Wilaya ya Bukombe na Mbogwe. Kwa sasa Mbogwe inajitegemea kama Halmashauri kamili. Wilaya ya Bukombe ina tarafa 3 ambazo ni Ushirombo,Siloka, na Bukombe, ina kata kumi na saba (17) ambazo ni Iyogelo,Busonzo,Bukombe,Butinzya,Bulega,Runzewe Mashariki,Runzewe Magharibi,Namonge,Katente,Igulwa,Bulangwa,Ushirombo,Uyovu,Bugelenga,Lyambamgongo,Katome, na Ng’anzo, ina vijiji hamsini na mbili (52),  na vitongoji mia tatu sabini na mbili (372).  Pia wilaya ina jimbo moja la uchaguzi ambulo Mbunge wake ni kutoka chama cha Mapinduzi (CCM) mhe.Dotto Biteko ambaye ni Naibu Waziri wa Madini. Ina jumla ya wakazi 266,667 ya makadirio ya sasa kutokana na ongezeko la 5.9 asilimia ya sensa ya mwaka 2012, ambapo kwa sasa wanawake  135,018 na wanaume 131,659. Wilaya ya Bukombe imezungukwa na msitu kwa asilimia 60 huku asilimia 40 ya eneo lote la wilaya linafaa kwa Kilimo na Ufugaji na makazi. Asilimia 60 ya Eeneo la Bukombe ni Misitu huku asilimia 40 tu ikiwa ni makazi ya watu.

Shughuli za uchumi katika wilaya hii ni Kilimo na ufugaji ambazo zinachukua 84 asilimia ya Mapato ya wakazi wote wa wilaya na asilimia 16 inahusisha shughuli za uchimbaji wa madini,biashara,ufugaji nyuki na wafanyakazi.

KARIBU WILAYA YA BUKOMBE UJIFUNZE UFUGAJI WA NG'OMBE,NYUKI NA AINA MBALIMBALI ZA KILIMO CHA BIASHARA.