Kamati ya Fedha,Uongozi na Mipango

KAMATI YA FEDHA,UONGOZI NA MIPANGO

Kamati ya Fedha Uongozi na Mipango ni miongoni mwa kamati za kudumu za Halmashauri ya Wilaya ya Bukombe. Kamati hii inaundwa na Wenyeviti wa kamati  tano  za kudumu na wajumbe wanne (04) wanaoteuliwa na Mwenyekiti kwa kushirikiana na Mkurugenzi Mtendaji wa Halmashauri na  hiyo kamati hukutana kila mwezi mara moja.

• Mh. Yusuph  Mohamed-Mwenyekiti
• Mh. Leokadia Kasase
• Mh. Lameck Warangi
• Mh. Boniphace Shitobelo
• Mh. Amos Shimo
• Mh. Mary Nchiba
• Mh. Rahel Sololo
• Mh. Juma Lushiku
• Mh. Dotto Biteko                                                                                                                                                                                                                                                                                                  

MAJUKUMU YA JUMLA

Kusimamia na kudhibiti ukusanyaji wa mapato na matumizi ya mali za Halmashauri kwa kupitia vikao vyake. 

MAJUKUMU MAALUMU YA KAMATI

• Kuweka mikakati na kupendekeza uongezaji wa mapato.
• Kuwasilisha mapendekezo ya bajeti na mpango wa maendeleo kwenye Halmashauri ili kuidhinishwa na Halmashauri.
• Kusimamia utunzaji wa hesabu za fedha ikiwa ni pamoja na uhakiki wa mali za Halmashauri,ukusanyaji wa mapato,kufuta madeni na kuomba vibali maalumu kwa matumizi yanayohitaji kibali cha Waziri mwenye dhamana ya Serikali Mitaa.
• Kufikiria na pale inapowezekana,kupendekeza kwenye Halmashauri masuala yanayohusu Sheria Ndogo na utendaji katika ngazi za chini za Halmashauri.
• Kupokea na kuzingatia mapendekezo ya kubadili matumizi ya mafungu ya fedha (re-allocation) yaliyopo katika makisio yaliyoidhinishwa na kuyapeleka Halmashauri.
• Kufikiria na kupendekeza kwenye Halmashauri mikopo yote ya Halmashauri.
• Kuratibu mapendekezo kutoka kwenye kamati zingine kuhusu matumizi ya kawaida na miradi na kuyawasilisha kwenye Halmashauri.
• Kutoa mapendekezo ya vitega uchumi kwa madhumuni ya kuongeza mapato kwa mujibu wa sharia ya fedha za Serikali za Mitaa,Sura ya 290.
• Kupokea na kujadili taarifa za wakaguziwa fedha na mali ya Halmashauri na kupendekeza hatua za kuchukuliwa kutokana na maelekezo na maoni ya wakaguzi kwa mijibu wa Sheria za Serikali za Mitaa,Sura ya 290.
• Kusimamia na kudhibiti matumizi ya fedha za Halmashauri,kwa kuzingatia taratibu zilizowekwa na Waziri na taratibu nyingine zitakazowekwa na Halmashauri.
• Kupitia marekebisho yote yaliyopendekezwa hususan kuhusu taratibu za fedha,ikiwa ni pamoja na mapitio ya mara kwa mara yanayohusu thamani ya fedha ambapo kanuni mbalimbali za manunuzi ya mali na vifaa hutumika.