Walimu Ajira Mpya Wapata Semina Elekezi

Imewekwa: September 27th, 2022

Mkuu wa Wilaya ya Bukombe Mhe.Said Nkumba amewataka walimu ajira mpya kuhakikisha wanafanya kazi kwa kufuata misingi ya maadili.

"Mtakapofika vituoni kwenu hakikisheni mnafanya kazi kwa kufuata misingi ya maadili ili muweze kuwa na mwenendo mwema unaofuta misingi ya Utawala bora."

Nkumba ameyasema hayo  tarehe 27 Septemba , 2022 wakati akitoa nasaha kwa walimu ajira mpya walioajiliwa katika Halmashauri ya Wilaya ya Bukombe.

Aidha  amewataka watumishi hao kutosita kueleza changamoto zitakazokuwa zinawakabili pindi watakapokuwa vituo vyao vya kazi.

"Msisite kutueleza changamoto zenu mtakapofika vituoni sisi  viongozi tupo tayari  kuwasaidia."

Naye Mkurugenzi Mtendaji wa Halmashauri ya Wilaya ya Bukombe Lutengano Mwalwiba amewata walimu hao pya kujiepusha na mikopo umiza.

"Mikopo yenye riba nafuu ipo jiepusheni na mikopo umiza kwani tumewaona watumishi wengi wakiteseka na mikopo umiza."

Aidha amesema Halmashauti ya Wilaya ya Bukombe kwa mwaka wa fedha 2022/2023 ilipangiwa jumla walimu 100, wa shule za  sekondari 26 na msingi 74.Walimu walioripoti mpaka sasa ni 99 msingi wakiwa 73 na sekondari 25. Walimu wote 99 wameishalipwa mishahara yao baada ya kukamilika kwa zoezi la huhakiki wa vyeti.

Kwa upande wake katibu Msaidizi wa Tume ya Utumishi wa Walimu mwl. Frances Sungura amewataka walimu wakazingatie maadili ya Ualimu

" Mkazingatie maadili ya Ualimu kwani mkifanya hivyo kiwango  cha ufaulu katika wilaya yetu kitaongezeka sana."

#KASIYASAMIABUKOMBE

#kAZIIENDELEE