WANAWAKE BUKOMBE WASHIRIKI KUPANDA MICHE YA MITI 240 KUELEKEA MAADHIMISHO YA SIKU YA WANAWAKE DUNIANI

Imewekwa: February 26th, 2025

Katika kuelekea Maadhimisho ya siku ya Wanawake Duniani, Katibu Tawala wa Wilaya ya Bukombe Ndg. Ally Mketo amewaongoza Wanawake kushiriki zoezi la upandaji wa miche ya Miti.

Shughuli hiyo imefanyika leo tarehe 26 Februari, 2025 katika Shule ya Msingi Kilimahewa ambapo jumla ya miti 240 ikiwemo ya matunda na kivuli imepandwa.

Aidha Mketo Amesisitiza kuwa miti hiyo iliyopandwa itunzwe ili iweze kukuwa vyema na kuleta tija katika mazingira yetu.

Kwa upande wake Mkuu wa Divisheni ya Maendeleo ya jamii (W) Bi. Melania Kwai amesema kuwa wiki ya maadhimisho ya Siku ya Wanawake Duniani imeanza leo na itaambatana na  shughuli mbalimbali ambazo ni Michezo, kuamsha Ari, mchakamchaka na kufanya matendo ya huruma.

Siku ya Wanawake Duniani huadhimishwa tarehe 08 Machi kila mwaka ambapo kwa Kanda ya ziwa itafanyika tarehe 02 Machi, 2025 katika viwanja vya Shule ya sekondari Ushirombo Wilayani Bukombe Mkoani Geita.

“Wanawake na Wasichana 2025: Tuimarishe Haki, Usawa na Uwekezaji”.