DC Nkumba afanya mkutano na wafanyabiashara wa ushirombo

Imewekwa: September 24th, 2018

Mkuu wa Wilaya ya Bukombe Mhe Said Nkumba amekutana na wafanyabiashara wa mji wa Ushirombo leo, kwa lengo la kujitambulisha kwao lakini pia kusisitiza umuhimu wa ulipaji kodi kwa maendeleo ya wilaya ya Bukombe, na amewataka wafanyabiashara ambao sehemu zao za biashara zinajulikana kuwa na mashine ya EFD kwa mujibu wa sheria ili mteja anaponunua bidhaa apatiwe risiti.

Aidha Mkuu wa Wilaya amemtaka Afisa Utadamuni kutotoa vibali vya mchezo wa kamali kwani umewafanya vijana wengi wa wilaya hii, hususani wale wa Ushirombo kuacha kufanya kazi badala yake wamekuwa wakishinda katika banda la kamali hiyo “ Afisa tamaduni Maarufuku kutoa kibali kwa wacheza kamali wilayani hapa, na sitaki kuona mchezo huo ukiendelea hawa vijana ni nguvu kazi ya Taifa” alisema Mkuu wa wilaya

Pia amepiga marufuku wamiliki wa kumbi za starehe kuleta wacheza show za Khanga maarufu kama” baikoko” ndani ya wilaya ya Bukombe” Sitakubali wanawake kuendelea kudhalilishwa ndani ya hii wilaya tafuteni bendi zenye heshima muweke muziki sio watu wanaocheza nusu utupu” alisisitiza Mkuu wa wilaya

Akihitimisha Kikao hicho Mkuu wa Wilaya ya Bukombe Mhe. Said Nkumba amewakaribisha wafanyabiashara wote hususani wale wanaojishughulisha na Uchimbaji wa Madini kuhudhuria Maonesho ya Teknolojia ya Uzalishaji wa Dhahabu kwa Maendeleo ya Kijamii na Kiuchumi wa Viwanda Yatakayofanyika Mkoani Geita Viwanja vya CCM Kalangalala.