DC Nkumba awataka Madiwani kushirikiana na wataalamu.

Imewekwa: February 22nd, 2022

Mkuu wa Wilaya ya Bukombe Mhe.Said Nkumba amewataka Wahe. Madiwani kushirikiana na wataalamu ambao wamepewa mafunzo kwa ajili ya kutekeleza zoezi la Mfumo wa Anwani za Makazi.

"Viongozi wenzangu mna majukumu makubwa ya kuhakikisha mnafanikisha dhamira ya serikali ya kuhamasisha na kutoa elimu kwa wananchi ili washiriki katika kujiwekea miundombinu ya mfumo.Hivyo naomba mkashirikiane na wataalamu kwa ajili ya kufanikisha zoezi hili."

Nkumba ameyasema hayo leo tarehe 22 Februari, 2022 katika Baraza Maalumu la Madiwani Halmashauri ya Wilaya ya Bukombe lililoshirikisha Wazee Maarufu pamoja na Viongozi wa Madhehebu ya Dini.

Aidha amesema hata mvumilia mtu yoyote atakayepanga njama za kukwamisha zoezi hilo ndani ya Wilaya.

"Sitamvumilia mtu yoyote atakayekwamisha zoezi hili. Kila mtu aguswe kwa maslai ya wanabukombe na Taifa kwa ujumla."

Awali Diwani wa kata ya Ushirombo Mhe.Rameck Warangi aliahidi kutoa ushirikiano na kwenda kwa wananchi kutoa elimu.

" Mimi nipo tayari kutoa ushirikiano kwa ajili ya maslai mapana ya Taifa pamoja na wananchi katika kata yangu."

Naye Mwenyekiti wa Halmashauri ya Wilaya ya Bukombe Mhe.Yusuph Mohamed Yusuph amewataka viongozi wa Madhehebu ya Dini kuwa mstari wa mbele katika kuhamasisha zoezi hilo kwani litarahisisha upatikanaji, utoaji na ufikishaji wa huduma katika maeneo mbalimbali na kurahisisha zoezi la Sensa ya Watu na Makazi.

Mfumo huu wa Miundombinu unatambulisha mtu alipo,anapopatikana ama anapotakiwa kuhudumiwa (nyumbani, ofisini ama eneo la biashara).

Imetolewa na -:

Kitengo cha TEHAMA

Halmashauri ya Wilaya ya Bukombe

Tarehe 22 Februari, 2022.