DC Nkumba azindua ukamilishaji wa Miundombinuya Maabara 7

Imewekwa: June 29th, 2021

Mkuu wa Wilaya ya Bukombe Mhe.Said Nkumba tarehe 29 Juni, 2021 amezindua ukamilishaji wa ujenzi wa miundombinu ya maabara 7. Uzinduzi huo umefanyika katika shule ya sekondari Bukombe.Maabara zilizozinduliwa ni za shule ya sekondari Businda, Busonge, Butizya, Bosonzo, Namonge na Bukombe zilizopokea kiasi cha shilingi milioni 30 kutoka Serikali Kuu kwa kila shule moja.

Nkumba amewapongeza viongozi kuanzia ngazi ya kitongi hadi Ofisi ya Mkurugenzi Mtendaji wa Halmashauri ya Wilaya  kwa usimamizi  na ufuatiliaji mzuri wa miradi ya maendeleo

." Hongereni sana kwa utekelezaji wa Miradi ya heshima.Miradi ikikamilika kwa heshima sisi ndiyo tunaopata heshima"Pia ameipongeza kata ya Namonge usimamizi wa miradi ya maendeleo na kubakiza fedha."

Naipongeza sana kata ya Namonge kwa namna ya kipekee kwa kuwa taa katika Wilaya yetu kwani imebakiza fedha katika miradi yote wanayoitekeleza. Haya mambo yote yanawezekana kwa kujituma na kushirikisha wananchi.

Aidha amezitaka kamati zote za ujenzi kuhakikisha miradi yote inayotekelezwa kwenye maoneo yao inashirikisha nguvu za wananchi ili kuhakisha kuwa fedha zote zinazokuja kutoka serikalini ziweze kubaki na kutekeleza miradi mingine kwa ubora uliokusudiwa.

Kwa upande wake Mkurugenzi Mtendaji wa halmashauri ya Wilaya ya Bukombe amezipongeza kamati zote za ujenzi wa miundombinu ya Maabara kwa kukamilisha miradi hiyo katika hali ya ubora na kubakiza fedha."Wakati mnasoma taarifa zenu kwa mgeni rasmi nimesikia kuwa mmebakiza kiasi cha fedha. Hongereni sana."

Akiongea katika hafla ya uwekaji wa jiwe la Msingi wa vyumba 3 vya madarasa na matundu 12 ya vyoo katika shule ya sekondari Katente Mhe.Diwani wa kata ya Katente Tabu kasuluzu Ng'hwani ameuomba uongozi wa halmashauri kwasaidia ukamilishaji wa utengenezaji wa viti na meza katika chumba kimoja cha darasa.

"Tulipokea kiasi cha shilingi milioni 40 kwa ajili ya utekelezaji wa vyumba viwili vya madarasa, kwa kushirikisha nguvu za wananchi tumeweza kuongeza chumba kimoja cha darasa hivyo tunaomba halmashairi iweze kutusaidia ukamilishaji wa viti na meza katika chumba kimoja."

Ujenzi wa Maabara kwa shule za sekondari katika halmashauri ya Wilaya ya Bukombe kutachochea idadi kubwa ya wanafunzi kupenda kusoma masomo ya sayansi na kuchochea ufaulu wa wanafunzi.