Kamati ya Siasa ya Wilaya ya Bukombe Kuridhishawa na Miradi ya Maendeleo

Imewekwa: September 14th, 2022

Mwenyekiti wa Chama cha Mapinduzi bwana Daniel Machongo ameipongeza serikali ya Mhe.Rais Samia  Suluhu Hassan kwa kuleta fedha kwaajili ya miradi ya maendeleo wilayani Bukombe na kumpongeza mhe. Mbunge Doto biteko pomoja na madiwani kwa usimamizi mzuri  katika Ujenzi wa miradi hiyo ya maendeleo.

Ametoa pongezi hizo katika ziara ya kamati ya siasa pamoja na baadhi ya wakuu wa idara na baadhi wataalamu kutoka halmashauri ya kutembelea miradi ya maendeleo tarehe 15 Agosti 2022 wilayani Bukombe.

"Naipongeza serikali ya awamu ya Sita ya mama Samia  Suluhu kwa kazi kubwa inayofanya kwaajili ya kuwasaidia wananchi wake kwa kuleta miradi ya maendeleo wilayani kwetu, pia nampongeza Mhe. Mbunge Doto Biteko ,mkuu wetu wa Wilaya Mhe Said Nkumba, wahe. Madiwani pamoja na wa kuu wa vitengo wa serikali kwa ushirikiano wao kuhakikisha miradi ya maendeleo inakamilika kwa wakati, ningependa huu ushirikiano uendelee ili tuweze kufanya mambo makubwa zaidi."

Nae Katibu wa Chama Cha Mapinduzi Odilia Batolomeyo amewataka wananchi kutumia vizuri miradi ya maendeleo inayo tekelezwa na serikali ikiwemo miradi ya Vituo vya Afya haswa kwa wamama wajawazito ili waweze kujifungua katika hali ya usalama.

"serikali inatuletea miradi ya maendeleo kwa ajili yetu wananchi niwaombe  tuitunze vizuri miundo mbinu yetu kwaajili ya vizazi vya sasa na vya baadaye, lakini pia niwashauri wakina  mama na wakina dada pale unapogundua kuwa wewe ni mjamzito hakikisha unafika mapema kituo cha Afya ili uweze kupata muongozo mzuri  wa kuilinda na kuitunza afya yako pamoja na afya ya mtoto wako." Amesema Odilia.

Aidha mjumbe wa Chama Cha Mapinduzi na Mkuu wa Wilaya ya Bukombe Mhe.Said Nkumba amewashukuru wananchi wa Bukombe kwa kujitolea katika shughuli mbali mbali za Ujenzi wa miradi ya maendeleo inayo letwa na serikali kuu na kuishukuru serikali ya halmashauri ya Wilaya ya Bukombe kwa kutenga fedha kwaajili ya kukamilisha baadhi ya  miradi wilayani lakini pia  amewashukuru GGM( Geita Gold Mining) kwa fedha walizo wachangia kwaajili ya kukamilisha mradi wa kituo cha Afya cha Msonga kata ya Runzewe magharibi.

Wanakamati wa Siasa wilayani bukombe wameridhishwa na utekelezaji wa miradi hiyo ya maendeleo ambayo ni pamoja na Ujenzi wa kituo cha Afya kata ya Namonge, Ujenzi wa kituo cha Afya kata ya Runzewe Mashariki kijiji cha Msonga, Ujenzi wa jengo la wagonjwa wa dharura(EMD) katika hospitali  ya Wilaya ya Bukombe, Ujenzi wa miundombinu ya shule ya sekondari Ng'anzo, pamoja na Ujenzi na ukarabati wa nyumba za watumishi (walimu) shule ya sekondari Businda inayo gharimu zaidi ya shilingi za kitanzania bilioni 1.57.