Ongezeni Kasi ya Ujenzi Ujenzi

Imewekwa: June 16th, 2023

Kaimu Mkuu wa Wilaya ya Bukombe Mhandisi Deusdedith Katwale amewataka mafundi kuhakisha wanaongeza kasi ya ujenzi katika  utekelezaji wa miradi ya BOOST ili  miradi hiyo iweze kukamilika kwa wakati.

" Tunataka miradi yote ikamilike kwa wakati na kwa kiwango kile kile ambacho Serikali imekikusudia ili wanafunzi watakapofungua shule wayatumie madarasa hayo."

Katwale ameyasema hayo leo tarehe 15 June, 2023 wakati wa ziara ya kutembelea na kukagua miradi ya BOOST ya Kuimarisha Ufundishaji na Ujifunzaji kwa Shule za Awali na Msingi Tanzania Bara inayotekezwa kwa fedha za Lipa Kulingana na Matokeo (EP4R).

Aidha amewapongeza wananchi kwa kujitolea nguvu zao za hali na mali katika utekelezaji wa miradi hiyo.

" Nawapongeza sana wananchi kwa kushiriki katika kutekeleza miradi hii. Hongereni kwa kazi kubwa na nzuri mnayoifanya."

Naye Diwani wa Kata ya Bulangwa Mhe.Yusuph Mohamed Yusuph amemuahidi Mkuu wa Wilaya kuwa mpaka kufikia tarehe 30 June, 2023 miradi yote itakuwa imekamilika na kuanza kutumika.

Miradi iliyotembelewa ni pamoja na Ujenzi wa Madarasa 6 na matundu 3 ya vyoo shule ya Msingi Ushirombo, Ujenzi wa vyumba 6 vya madarasa, vyumba 2 vya Elimu ya Awali vya mfano na matundu 3 ya vyoo shule ya Msingi Ibamba, Ujenzi wa vyumba 4 vya madarasa na matundu 3 ya vyoo shule ya Msingi Uyovu, Ujenzi wa vyumba 21 vya madarasa na matundu 3 ya vyoo shule ya Msingi Namonge na ujenzi wa madarasa 16 shule ya Msingi