Shule 10 Geita Kupokea Wanafunzi wa Kidato cha Tano kwa Mara ya Kwanza - Senyamule

Imewekwa: June 26th, 2021

Mkuu wa Mkoa wa Geita jana tarehe 25 Juni, 2021 na leo tarehe 26 Juni 2021 amefanya ziara ya kukagua hali ya Miundombinu ikiwa ni Maandalizi ya kupokea wanafunzi wa Kidato cha Tano 2261 walichaguliwa kujiunga kwa Mara ya kwanza kwenye shule 10 za Sekondari za Serikali ndani ya Mkoa.

Mhe. Senyamule ameridhishwa na hali ya Miundombinu ya Madarasa, Mabweni, Maji, Mabwalo ya Chakula, Maabara na Umeme baada ya kupita kwenye Halmashauri za Nyang'hwale, Geita Mji, Geita, Bukombe na Chato. 

Aidha, ametoa rai kwa viongozi wa shule na Halmashauri kumalizia marekebisho madogo ya mwisho hadi kufikia jumatano ya Juni 30, 2021 ambapo wanafunzi hao wanatarajia kuanza masomo tarehe 05 Julai 2021.

"Hongereni sana kwakweli nimeridhika na niseme tu kwamba shule zote nilizotembelea zimekidhi vigezo na vina uwezo wa Kupokea wanafunzi wa Kidato Cha Tano, Kama nilivyoagiza kwenye kila shule naomba machache yaliyobaki yarekebishwe," amesema Mkuu wa Mk

oa.Akifafanua Kaimu Afisa Elimu Mkoa wa Geita, Mwalimu Kaitila Mafwimbo amesema hapo awali Mkoa wa Geita ulikua na jumla ya shule 10 za Kidato Cha Tano na Sita za Serikali na kwamba ongezeko la shule hizo 10 mwaka huu utafanya idadi ya shule 20 ambapo 7 ni za wanafunzi wa kike.

 Aidha, amebainisha kua shule zote zina Miundombinu rafiki kwa wanafunzi wa hali yoyote hata walemavu.Mkuu wa Mkoa amefika kwenye shule za Sekondari Msalala, Nyang'hwale wilayani Nyang'hwale,  Kamena na Bugando za Geita, Shantamine na Mwatulole za Geita Mji, Bukombe ya Bukombe DC na Ilemela pamoja na Buseresere za Halmashauri ya Chato.