TBS Waendesha Mafunzo kwa Wafanyabiashara na Wadau wa Mazao ya Karanga na Mahindi Wilayani Bukombe.

Imewekwa: June 2nd, 2022

Wafanyabiashara, wasafirishaji na wasindikaji wa mazao ya mahindi na karanga pamoja na bidhaa zake zaidi wilayani Bukombe  wamepatiwa mafunzo kupitia Mradi wa Kitaifa wa Kudhibiti Sumukuvu "Tanzania Initiative for Preventing Aflatoxin Contamination (TANIPAC).

Mafunzo  hayo yamefunguliwa na Mkuu wa Wilaya ya Bukombe Mhe. Said Nkumba  Leo Tarehe 1 Juni, 2022. 

Mafunzo hayo yenye Lengo la kudhibiti sumukuvu katika mazao ya Mahindi na Karanga ili kulinda afya za binadamu, kuwezesha biashara ya mazao ya mahindi na karanga, kulinda afya za mifugo na kuwezesha utoshelevu wa chakula salama.

Mkuu wa Wilaya ya Bukombe Mhe. Said Nkumba akizungumza wakati wa kufungua mafunzo alisema ; "Serikali kupitia TBS inatoa  mafunzo hayo kupitia Mradi wa Kitaifa wa Kudhibiti Sumukuvu wilayani Bukombe ambapo mafunzo hayo yatawajengea uelewa mkubwa katika uandaaji wa mazao hayo(Karanga na Mahindi) na bidhaa zitokanazo na mazao ya Karanga na Mahindi"

Aidha ," Kama tunavyo fahamu jitihadi za Serikali ya awabu ya sita inayoongozwa na Mhe. Rais Samia Suluhu Hassan imejikita kuhakikisha Tanzania ya Viwanda inafikiwa na kuwezesha wananchi na Wadau mbalimbali kuzalisha bidhaa zenye ubora ili kukidhi Viwango vya kimataifa ndio maana leo tupo hapa tukipatiwa mafunzo ya kudhibiti Sumukuvu katika mazao ya Mahindi na Karanga" - Mhe. Said Nkumba.

Pia Mhe. Said Nkumba amesema "mafunzo haya yamelenga kulinda afya za binadamu, kuwezesha biashara ya mazao ya mahindi na karanga, kulinda afya za mifugo  na kuwezesha utoshelevu wa chakula salama"

Mkuu wa Wilaya ya Bukombe Mhe. Said Nkumba  amewasihi washiriki kuwa mabalozi wazuri wa mafunzo hayo na kuzingatia mambo muhimu yanayoshauriwa na wataalam ili kudhibiti sumukuvu.