TUNAISHUKURU TIMU YA MADAKTARI BINGWA KWA KUJA KUTUONGEZEA NGUVU. DC - MURAGILI

Imewekwa: November 15th, 2024

Mkuu wa Wilaya ya Bukombe Mhe. Paskasi Muragili ameishukuru timu ya Madaktari Bigwa wa Rais Samia  kwa kutoa huduma za Mkoba za Kibingwa na Ubingwa Bobezi pamoja na kuwaongezea  nguvu Madakta wa Halmashauri ya Wilaya ya Bukombe.

" Tunawashukuru sana kwa huduma za kibingwa mnazoendelea kutoa  katika Wilaya yetu kwa kufanya hivyo mmeweza kutuongezea ujuzi ambao utapelekea kupunguza huduma za rufaa."

Hayo ameyasema leo tarehe 15 Novemba, 2024 wakati wa hafla ya hitimisho la kliniki ya Madaktari Bingwa iliyofanyika katika Hospitali ya Wilaya ya Bukombe.

Aidha amemshukuru Mhe.Rais kwa kuhakikisha huduma  za kibingwa zinawafikia wananchi katika maeneo wanayoishi.

"Tunamshukuru sana Rais kwa kuwafikishia wananchi huduma karibu na maeneo yao kwani hapo zamani walikuwa wanazifuata huduma hizi katika Hospitari za rufaa."

Kwa upande wake Mkurugenzi Mtendaji wa Halmashauri ya Wilaya ya Bukombe Lutengano Mwalwiba amesema ujuo wa Madaktari Bingwa umekuwa ni fulsa kubwa katika Wilaya  kwani wameweza kubadilishana uzoefu na Madaktari wetu kwa kuwapa ujuzi pamoja na uzoefu wa kutosha.

Aidha Mganga Mkuu wa Wilaya ya Bukombe Dr.Deograsia Mkapa ameishukuru Serikali kwa kuiwezesha Halmashauri ya Wilaya ya Bukombe kupata kupata Vifaa tiba vya kisasa ambavyo vimewasaidia Madaktari Bingwa kutoa huduma za kibingwa.

Akiongea kwa niaba ya wagonjwa Eva Kapera Mkazi wa Mtaa wa Kitangili Wilayani Bukombe, ameishukuru Serikali kwa kusogeza huduma karibu kwani imempunguzia gharama za kwenda kufuata huduma KCMC na sasa amezipata Hospitali ya Wilaya ya Bukombe.

Kuanzia tarehe 11-15 Novemba, 2024 jumla ya wagonjwa 342 wamepata huduma za kibingwa kutoka kwa madaktari wa Magonjwa ya Upasuaji na mfumo wa njia ya mkojo, Magonjwa ya ndani ( Kisukari,Ini, figi, shinikizo la damu),  Magonjwa ya Wanawake na Ukunga, Magonjwa ya Watoto na Watoto Wachanga, Magonjwa ya Kinywa na Meno na Magonjwa ya Mifupa na ajali.