Tunzeni Miundombinu ya Zahanati ili iweze Kudumu

Imewekwa: June 30th, 2021

Mkuu wa Wilaya ya Bukombe Mhe.Said  Nkumba  amewataka wananchi wa kijiji cha Namalandula kuhakikisha wanaitunza miundombinu ya zahanati ya Namalandula ili iweze kudumu kwa muda mrefu."Tulitunze jengo letu ili liweze kudumu kwa muda mrefu. sitaki kusikia baada ya muda mfupi miundombinu imehujumiwa."Nkumba ameyasema hayo tarehe 30 Juni, 2021 wakati akiweka jiwe la msingi Zahanati ya Namalandula iliyopo kata ya Namonge wilayani Bukombe ikiwa ni ziara yake ya kikazi ya siku ya pili.Aidha amemtaka Mganga mkuu wa Wilaya  Orden Ngassa kuhakikisha baada ya wiki mbili wananchi wanaanza kupata  huduma za msingi katika Zahati hiyo.Naye Mtendaji wa kijiji cha Namalandula  Abel Peter amesema hadi sasa  mradi umekamilika kwa asilimia 98, ambapo hatua iliyobaki ni pamoja na kuweka madirisha ya vioo. Aidha mzabuni anayetakiwa kuleta madirisha amepata changamoto ya ukosefu wa vioo sokoni ambapo imepelekea mzabuni huyo kushindwa kuleta madirisha hayo.Zahanati ya kijiji cha Namalandula ilipokea kiasi cha shilingi milioni 50 kwa ajili ya ukamilishaji na mradi huo na mradi ukikamilika utanufaisha wananchi wa kijiji cha Namalandula wapatao 5763 pia wananchi wa vijiji jirani jambo ambalo litapunguza safari ya imbali wa km 26 kwenda Uyovu kufuata huduma za afya hususani watoto na wajawazito."Msikae na wahamiaji haramu, msikae na watu wasio raia wa Tanzania ambao hawajatimiza masharti ya kuingia nchini kwani ni hatari kwa usalama wa Taifa letu."Nkumba ameyasema hayo wakati akiongea na wananchi wa kijiji cha kata ya Ilyamchele kilichopo kata ya Namonge pembezoni mwa hifadhi ya Kigosi.Vile vile amezitaka kamati za ujenzi wa kituo cha Afya Namonge  kufanya kazi kwa uadilifu."Kamati zote za ujenzi fanyeni kazi kwa uadilifu  Milioni 400 ni fedha nyingi mambo yakiharibika mtawajibishwa"Kituo cha Afya Namonge kimepokea shilingi Milioni 400 kwa ajili ya ujenzi wa miondombinu ya Wodi ya wazazi, Chumba cha Upaduaji, Chumba cha Maabara, Jengo la kufulia nguo, Nyumba ya Mtumishi na Chumba cha kuhifadhia Maiti.Kituo hiki kitakapo kamilika halmashauri ya Wilaya ya Bukombe itakuwa na vituo vya Afya vitatu ambavyo ni Kituo cha Afya Ushirombo, Uyovu na Namonge.