Wanawake Wajasiriamali Wapatiwa Mafunzo.

Imewekwa: March 1st, 2022

Wanawake wa Halmashairi ya Wilaya ya Bukombe wamepatiwa mafunzo ya ujasiriamali ili waweze kujikwamua kiuchumi na kupanua mtandao wa kibiashara.

Makamu Mwenyekiti wa Baraza la Wanawake Mkoa wa Geita Jazaa Komba amewataka wajasiriamali  kushiriki kikamilifu mafunzo hayo ili waweze kukuza uchumi kwa haraka.Komba ameyasema hayo  tarehe 1 Marchi, 2022 wakati wa ufunguzi wa mafunzo ya Wajasiliamali wanawake waliopo katika Halmashauri ya Wilaya ya Bukombe.

Mwezeshaji wa Mafunzo hayo kutoka Global Standard One  Shabani Mikongoti  amewataka wajasiriamali hao kuhakikisha wanarasimisha bidhaa, biashara pamoja na kampuni ili waweze kuongeza thamani katika masoko na kutambulika ndani na nje ya nchi.

Afisa Maendeleo ya Jamiii kutoka kitengo cha Dawati la Uwezeshaji Wananchi kiuchumi Mariana Genya amewataka wajasiriamali hao kuwa na Mpango Biashara ili kupata picha ya namna biashara itakavyokuwa na kujua kuwa biashara wanayoenda kuifanya itakuwa na faida au la,pamoja na kutambua matatizo na changamoto kabla hawajaanza kufanya biashara.

Mjasiliamali wa Mazao ya nafaka  Ruth Mwanzalima Koya kwa niaba ya wanawake wajasiriamali  ameishukuru Global Standard One kwa kuwapatia mafunzo hayo hali ambayo yatawasaidia kupanua wigo wa biashara na kutambua changamoto wakati wakifanya biashara  pamoja na kuweza kuzitatua.