WDC Bugelenga Endelezeni Ushirikiano.

Imewekwa: June 25th, 2022

Afisa Mipango wa Wilaya ya Bukombe Sylivia Rwehabura ameitaka kamati ya Maendeo ya Kata  kuhahikisha inaendeleza ushirikiano katika utekelezaji wa miradi ya maendeleo.

"Serikali imetuletea tena shilingi milioni 250 ikiwa ni fedha fedha Tozo ya Miamala ya Simu awamu ya Pili kwa ajili ya ujenzi wa Jengo la Wodi ya Wazazi na Upasuaji, Jengo la kufulia pamoja na njia ya Kutembea ( walkways).

 Ushirikiano  tuliokuwanao wakati wa utekelezaji wa majengo mengine tuuendeleze ili majengo yetu yaweze kukamilika kwa wakati na kwa ubora ule ule uliokusudiwa na serikali.

"Haya ameyasema tarehe 24 Juni, 2022 wakati akitoa taarifa  ya Mapokezi ya fedha shilingi Milioni 250 kwa ajili ya uendelezaji wa ujenzi Kituo cha Afya Bufanka kwa Kamati ya Maendeleo ya Kata ya BugelengaAidha aliendelea kusema kuwa kadri tunavyofanya vizuri ndivyo tunavyoendelea kuletewa fedha.

Kwa upande wake  Severa Mambee ambaye ni Mchumi kutoka ofisi ya Mipango ameitaka Kamati kuendeleza moyo wa kizalendo.

"Endelezeni moyo wa Kizalendo ya kuona miradi hii ni ya kwenu kwani kwa kutokufanya hivyo miradi yetu haitakuwa na tija."

Naye Diwani wa Kata ya Bugelenga Mhe. Donald  Lubigisa ameishukuru Serikali kwa kuwakumbuka tena kwa kuwaletea fedha za Tozo ya Miamala ya Simu Awamu ya Pili.

"Tunaishukuru sana serikali kwa kutupatia fedha hizi kwa ajili ya uendelezaji wa ujenzi  kwani majengo yatakapokamilika tutapata huduma ya Upasuaji hapa hapa na siyo tena kwenda katika kituo cha Afya Ushirombo."

Kituo cha Afya Bufanka kwa mara ya  kwanza kilipatiwa fedha za Tozo ya Miamala ya simu awamu ya kwanza kiasi cha shilingi Milioni 250 kwa ajili ya ujenzi wa Maabara na Jengo la wagonjwa wa nje, kiasi cha shilingi Milioni 90 fedha kutoka IMF kwa ajili ya ujenzi wa nyumba 3 za watumishi ( 3 in 1) na Milioni 250 kwa ajili ya Ujenzi wa Jengo la Wodi ya wazazi na Upasuaji, Jengo la Kufulia pamoja na njia ya kutembea ( walkways ).