TASAF

Start Date: 0000-00-00

End Date: 0000-00-00

Mkuu wa Mkoa Meja Jenerali Ezekiel Kyunga  ametembelea vijiji 7  ambavyo ni Ituga,Mwalo, Ikuzi, Businda,Ibamba,Kabuhima,na Lyobahika wilayani Bukombe yenye jumla ya walengwa 1147 wanafuaika wa Mradi wa TASAF.

Lengo ni kuona jinsi walengwa walinavyonufaika na mradi huo na kupata kero mbalimbali za Mradi huo wa TASAF ambao umedumu kwa miezi 18 sasa kutoka kwa wananchi.

Katika ziara hii Mkuu wa Mkoa amefurahishwa na baadhi ya wanufaika wa mradi huo waliotumia Mradi huo katika kujiendeleza kiuchumi  kama ifuatavyo;

Katika kata ya Bukombe – walengwa 59

• Kijiji cha Ituga  Bi Agnes Lawrence alianza kwa kutengeneza bustani ya mboga mboga na Baadaye alinunua Ng’ombe 8 na anaendelea na ufugaji na mpango wa TASAF ulikuwa unamlipa Tsh elfu 76.
• Mnufaika Hamisi Ngassa kupitia mradi huu wa TASAF ambao anapokea Tsh elfu 44 yeye amefanikiwa kujenga Nyumba nzuri ya kuishi na familia.

Katika kata ya Ushirombo – walengwa 76

• Mnufaika Felister William Busiga wa Kata ya Ushirombo kijiji cha Mwalo amejenga nyumba na ameanza ufugaji wa Mbuzi ambapo ana mbuzi wa 4.
• 
• Leah Francis Andrea awali watoto walikuwa hawaendi shule na anaishi kwenye Nyumba ya Nyasi lakini baada ya kuwa mmoja wa wanufaika wa mradi wa TASAF ameweza kujenga Nyumba yenye mabati.
• Mariah Salome Masaga amenunua mashamba,amejenga nyumba nzuri kiasi tofauti na mwanzo,anafuga kuku mpango wa TASAF anapokea tsh elfu 48.

Kata ya Bulangwa – walengwa 317 kijiji cha Bulangwa.

•  Katalina Stahika anapokea Tsh elfu 40 amenufaika kwa kujenga Nyumba nzuri na ya kisasa ya Bati na kuanzisha bustani ndogo ya mboga mboga.
• 
• Leah James amenufaika kwa kujenga nyumba yenye bati.
• 

Kata ya Uyovu –  Vijiji vitatu vyenye jumla ya walengwa  695

• Kijiji cha Ibamba walengwa 201     Mariam Paulo amenunua mbuzi 2, na Bata wa 2 na watoto wanaenda shule.
• Kijiji cha Kabuhima –  Walengwa  191    Yusta Kaozya mradi wa TASAF  amekuwa akilipwa  Tsh elfu 45 – 50 na amenufaika kwa kuanza ufugaji wa mbuzi wawili, Kuku wa kienyeji 50 na Bata 25.
• Kijiji cha Lyobahika – walengwa 303  Mariam Lukeli amenufaika kwa kuanza ufugaji wa Bata 12, Kuku na Vifaranga 28.

Kata ya Runzewe Mashariki – Kijiji cha Ikuzi walengwa 211

Kero/Changamoto za wanufaika wa mradi wa tasaf wilayani bukombe kama ifuatavyo;

• Fedha kupungua kadri awamu ya kupokea fedha ikija mfano mwanzoni Bi Elizabeth Matata alipokea Tsh elfu 44, awamu iliyofuata akapokea tsh elfu 40 na awamu nyingne akapokea Tsh elfu 36.
• Baadhi ya kaya Maskini nyingine kutoingizwa kwenye Mpango alisema Mwenyekiti wa kijiji cha Ituga ambapo kijiji chake walengwa 59 tu wameingizwa kwenye mradi wakati ana kaya 150 maskini kijijini hapo.
• Baadhi ya watoto wanaosoma kwenye Kaya kutoingizwa kwenye mradi wa TASAF mfano Bi Getruda Augustino wa kijiji cha Bulangwa anawatoto 6 ila waliopo kwenye mradi ni 6 tu.
•  Mzee Yusuph Kidende mwenye umri wa miaka 83 kijiji cha Ibamba hajaingizwa kwenye mradi.
•  Kuhama kwa walengwa hivyo kushindwa kuwahamishia katika vijiji walivyohamia wakati wa kupokea pesa inawalazimu kurudi kijiji walichokuwa ili kupokea fedha hizo.
• Wengine wanakatwa ambao hawapo kwenye hela za Masharti.

Majibu Kutoka Kwa Mhasibu wa TASAF

• Malipo ya TASAF – awamu ya kwanza kulikuwa na bonus ya elfu 8.
• Wanafunzi wanaolipwa kwanza lazima wahudhurie shuleni kwa 80%  na pia kila kaya wanaolipiwa kwa mpango wa TASAF ni wanafunzi si zaidi ya watatu (3) kwa shule ya Msingi na Si zaidi ya wanne (4) kwa shule za sekondari na mtoto asipohudhuria kwa asilimia 80% atapigwa penalty(faini).
• Kuna fedha za Ruzuku ya masharti ambayo ni Elimu, na Afya ambapo mahudhurio ya mwanafunzi shuleni yatabakisha kiwango cha malipo au yatashusha, upande wa Afya lazima mtoto ahudhurie clinic kama utaratibu unavyosema.
• Zoezi la kutambua kaya maskini litafanyika katika Mikutano ya hadhara ya kijiji.

NUKUU YA MAJIBU YA MKUU WA MKOA;

• Muitikio wa awali ndio uliosababisha kaya chache ambazo ni maskini katika kijiji kutambuliwa.
• Wananchi wengi hawakuamini mpango huu wa TASAF hivyo kushindwa kuhudhuria mikutano ya hadhara baada ya kuona kaya zilizoingia kwenye mpango kuna mafanikio wananchi wameanza kujitokeza kwa wingi.
• Mpango wa TASAF unalenga kusaidia kaya maskini kujisimamia kwa kuanzisha miradi ya maendeleo ambayo mradi ukiisha bado mnufaika ataendelea kunufaika.
• TASAF inaendeshwa kwa kufuata utaratibu wa kisheria ndiyo maana kuna Mkataba maalum kwa walengwa na mpango mzima wa TASAF.