Bukombe inatekeleza Ujenzi wa vyumba vya Madarasa ya kisasa

Imewekwa: October 19th, 2018

 Wanafunzi 1001 wa Shule ya Sekondari Businda kunufaika na uongezaji wa miundombinu katika Shule hiyo. Ambapo vyumba vitatu vya Madarasa na samani zake, Ofisi moja ya Walimu patoja na matundu 24 ya vyoo vimeongezwa ili kuendelea kuboresha mazingira ya wanafunzi. Uboreshaji wa miundombinu hii umefanyika takribani siku 75 tu, baada ya kupokea fedha kiasi cha shilingi Milioni 110  za Kitanzania kutoka Mamlaka ya Elimu Tanzania(TEA).

Afisa Elimu Sekondari Ndugu Philbert Nyangahondi amesema usimamizi wa karibu uliofanywa na mwalimu mkuu wa shule ya sekondari Businda Bi.Yunia Bukurie umepelekea ukamilishaji wa miundombinu hiyo muhimu kwa muda mfupi na kiwango cha hali ya juu, ukamilishaji huu utafanikisha wanafunzi kusoma katika mazingira mazuri na walimu kufundisha wanafunzi kwa ufanisi hivyo kupelekea kiwango cha ufaulu kwa wanafunzi kuongezeka.

Bukombe imeendelea kutekeleza miradi mbalimbali ya maendeleo hususani sekta ya afya na sekta ya elimu lengo ni kuhakikisha Wananchi wanapata huduma bora kwa maendeleo ya nchi Na watoto kupata elimu ya uhakika Ili kuendelea kupambana na umaskini.