BUKOMBE YAPOKEA DOZI 250,000 ZA UGONJWA WA HOMA YA MAPAFU KWA NG'OMBE.

Imewekwa: September 30th, 2025

Halmashauri ya Wilaya ya Bukombe imepokea Dozi 250,000 za ugonjwa wa homa ya mapafu kwa ng’ombe na Dozi 320,000 za chanjo ya Tatu Moja kwa ajili ya uchanjaji wa kuku kutoka Wizara ya Mifugo na Uvuvi, ili kupunguza athari zitokanazo na magonjwa ya mifugo kama vile homa ya mapafu ya ng’ombe, kichaa cha mbwa, kideri, mafua na ndui kwa kuku.

Vifaa vilivyopokelewa kwa ajili ya Utekelezaji wa Chanjo ni kifaa cha usaidizi wa hereni 1, Hereni 110,000, Gumboot jozi 20, Vishikwambi 33, Deli 29, Sindano 194, Gloves box 2 pamoja na sirinji 22.

Zoezi la kuchanja chanjo ya homa ya mapafu na kufanya utambuzi lilianza tarehe 20 Agosti, 2025 ambapo hadi sasa Halmashauri imefanikiwa kuchanja ng’ombe 24,106 huku ng’ombe 768 wakitambuliwa.