Bukombe Combine Sports Club Kuwachapa Kibao Kimoja Kilimahewa FC

Imewekwa: September 12th, 2022

Kibao hicho kilichapwa katika kipindi cha kwanza na mchezaji Nsongoma(jezi nambari 8)katika mechi ya fainali ngazi ya kata iliyofanyika 27 julai 2022 kiwanja cha kilimahewa wilayani Bukombe.

Washindi katika mechi hio walipatiwa zawadi ikiwemo fedha taslim shilingi laki moja ,mpira mmoja  pamoja na seti kamili ya jezi  kwa mshindi wa kwanza, lakini pia mpira moja pamoja na fedha taslim shilingi elfu hamsini kwa mshindi wa pili.

Kapteni wa timu ya Bukombe combine amewaomba mashabiki wake wasichoke kuwasapoti katika mechi ijayo.

"Mechi ilikua ngumu lakini tumepata ushindi kuelekea fainali kitarafa, tunaendelea kujipanga,mashabiki wote wa Bukombe combine sports club tunawahitaji waje kutusapoti wasife moyo" ameyasema hayo kapteni mathias Charles.

Nae kapteni wa kilimahewa Fc Renatus william amewapongeza Bukombe combine sports club kwa ushindi walioupata na kuwasihi wachezaji wake wasikate tamaa na kuongeza bidii katika mazoezi.

Aidha mtendaji wa kata ya katente ndugu Issa Shaban ametoa pongezi kwa timu  zote mbili, na kuwataka Bukombe combine sports club kujiandaa kuwawakilisha katika mchuano ujao ngazi ya tarafa utakaokuwa tarehe 10 Agosti 2022 wilayani Bukombe.