“Bukombe moja tusafiri patoja" DC Nkumba

Imewekwa: August 27th, 2018

Mkuu wa wilaya ya Bukombe Mhe.Said Nkumba amefanya kikao kazi cha kuhimiza na kuboresha utendaji kazi ili kuwaletea wananchi wa Bukombe maendeleo, kikao hicho kimejumuisha Wenyeviti wa Vitongoji ,Vijiji ,Maafisa Ugani, Watendaji wa Vijij na Kata wa Tarafa ya Siloka  inayoundwa na kata za  Busonzo, Namonge, Runzewe Mashariki,  Runzewe Magharibi na kata ya Uyovu hivi leo.

Katika kikao hicho Mkuu wa Wilaya amewataka Viongozi wa Vijiji na Vitongoji kufanya kazi za maendeleo na sio kuendelea na mambo ya siasa katika kipindi cha kuleta Maendeleo, na washirikiane kuleta maendeleo na sio mambo ya kusema tukifanya hiki tutawapa chama fulani sifa,”shughuli za maendeleo ndani ya Bukombe hakuna mambo ya chama, kama unataka mambo ya chama subirini 2020” alisema Nkumba.

Pia Mhe.Nkumba amesisitiza sekta zote zinazotoa huduma kwa wananchi kuzingatia maadili na uwajibikaji kwa kuongea lugha nzuri kwa wananchi ambao ndio wateja wetu, uwajibikaji wa kila mtumishi katika eneo lake hususani watumishi wa afya,Elimu na makao makuu ya Halmashauri, pia vitendo vya rushwa kwenye Zahanati,Vituo vya Afya na Hospital ya wilaya  ni marufuku.

Mhe.Nkumba amewatangazia vita walimu wanaofumbia macho suala la utoro na mimba mashuleni, na wale walimu wanaotembea na wanafunzi , na ametoa rai kwa wazazi ambao wanamaliza kesi za mimba na walimu au wenyeviti wa vijiji au vitongoji kuacha mara moja, kwani kwa kufanya hivyo wanarudisha maendeleo ya watoto ambao ni Taifa la kesho la kuwakwamua wazazi kiuchumi.

Mkuu wa wilaya pia amesikiliza kero mabalimbali na kupatiwa majibu papo kwa papo ikiwemo kero ya umeme kutofika sehemu zote za vijiji,ambapo Mkurugenzi mtendaji aliwaambia alifuatilia suala hili hadi ngazi ya mkoa ofisi za Tanesco na aliambiwa umeme utawekwa mjini na kusambazwa vijiji vyote mpaka kufikia  mwaka 2022.

Na amesisitiza Afisa Ardhi na Mwanasheria kutatua kero za migogoro ya ardhi haraka sana kama ipo ndani ya uwezo wao na zilizo nje ya uwezo ziandikiwe taarifa na kupelekwa ngazi inayohusika.

Mkuu wa  wilaya ya Bukombe Mhe.Said Nkumba akiwasisitiza wenyeviti wa Vijiji, Vitongoji na watendaji wa kata na vijiji pamoja na Maafisa ugani kutekeleza Ilani ya Chama cha mapinduzi.

Mkuu wa Wilaya ya Bukombe Mhe.Said Nkumba akisisitiza uwajibikaji katika mkutano huo.

Ndugu Benedicto Mwenyekiti wa kijiji Kabuhima akitoa malalamiko yake.

Maafisa ugani wa kata ya Uyovu wakipokea maelekezo ya kuwa na Shamba darasa la kuwafundishia Wananchi.

Bi.Habiba akitoa kero yake kwa Mkuu wa Wilaya katika kikao hicho.

Wenyeviti wa Vitongoji, Vijiji, watendaji wa kata na kijiji waliojitokeza Kwenye mkutano huo.

Wenyeviti wa Vitongoji, Vijiji, watendaji wa kata na kijiji waliojitokeza Kwenye mkutano huo.

Mkurugenzi Mtendaji wa Halmashauri akiijibu malalamiko mbalimbali ya wananchi.

Afisa Kilimo wa Wilaya Bwana Joseph Machibya akijibu Maswali ya Pamba.