Umoja ni Nguvu Wananchi Wilayani Bukombe wachangia Chupa 113 za damu.

Imewekwa: September 27th, 2017

Umoja Ni Nguvu Utengano Ni Dhaifu Upendo Hudumu Wananchi Wilyani Bukombe.

Katika Kampeni ya uchangiaji damu iliyokuwa inaendelea wilayani Bukombe hakika imedhihirisha kuwa methali isemayo umoja ni nguvu utengano ni dhaifu,baada ya wananchi kuhamasika kuchangia damu kuokoa maisha ya wananchi wenzao wilayani hapa.

Katika zoezi hili la uchangiaji damu ambalo ni endelevu liloshirikisha wananchi wa kawaida,na watumishi wa Hospitali ya wilaya,kituo cha Afya Uyovu na makao makuu ya Halmashauri ya Bukombe.Huu ni Upendo wa Hali ya juu uliopelekea kupatikana kwa chupa 113 ndani ya siku tano, hamasa bado inaendelea huku timu ya ukusanyaji ikiendelea kutembelea shule za sekondari  wilayani hapa ili wanafunzi wenye umri kuanzia miaka 18 wajitolee kuchangia damu kuokoa maisha.

                                                                                         Pichani Hamisi Mtete Mratibu wa Maabara (W) DLT Hospitali ya Wilaya.

                                                                                                                         Pichani Remigius Mayasa Katibu wa Afya.

                                                                       Pichani Peter Katinda Mteknolojia wa Mionzi (Radiographer) Hospitali ya Wilaya.

                                                                                                               Pichani Zacharia Isaac Katibu wa Afya (W).

                                                                                                                   Pichani Afisa Utumishi Lazaro Mkungu .

                                                          Pichani Binti Neema Mashimba kutoka Kijiji cha Igulwa amekuja kuchangia damu kuokoa maisha.

“Metoka Nyumbani na kuja katika ukumbi huu wa Halmashauri kuchangia damu ili kuokoa maisha, maana nilijufunza kupitia mama yangu mdogo aliyepata sana shida ya damu baada ya kujifungua kwa operesheni,nikikumbuka tulivyohangaika mwaka jana 2016 ndipo nilipohamasika kufika katika ukumbi huu wa Halmashauri baada ya kusikia tangazo la uchangiaji damu.” Alisema Neema

Pichani Simba  Hassan  mwananchi kata ya Katente mtaa wa majengo.

“Mimi kutoa damu kwa imani yangu ni kusaidia wasiojiweza maana yake kusaidia wagonjwa wenye hitaji la damu, na nimekuwa nikijotlea mara kwa mara nisikiapo Tangazo la kuchangia damu kuokoa maisha” alisema simba

                                                                                                           Pichani James Kachwele  mwananchi kutoka Kata ya Businda

“Kutoa damu kwangu mimi ni kama kauli mbiu mliyotumia wakati mnatangaza ni kuokoa maisha, nilijionea mwenywe mke wa mdogo wangu alivyoteseka akiwa mjamzito sababu kuu ni kuwa na damu pungufu, ujue ili uone umuhimu wa kuchangia damu hii pata ndugu au wewe mwenyewe upate tatizo la upungufu wa damu hakika utaona kuchangia damu ni kuokoa maisha.” Alisema Kachwele

                                                                               Pichani Baadhi ya  wananchi waliojitokeza kuchangia damu ili kuokoa Maisha.