Bukombe yapokea Vitabu vya Mtaala mpya kutoka Ofisi ya Rais

Imewekwa: May 23rd, 2018

Halmashauri ya Wilaya ya Bukombe imepokea Vitabu vya Mitaala mpya kufuatia Sera ya Elimu ya mwaka 2014 kutoka Ofisi ya Rais, Tawala za Mikoa na Serikali za Mitaa( TAMISEMI), vitabu vilivyopokelewa ni Afya na Mazingira 5,841, vitabu vya Michezo na Sanaa 5,841, Vitabu vya Kusoma 5,841 na Vitabu 5,841 vya Kuandika walengwa wakiwa wanafunzi wa darasa la Kwanza, pia imepokea Vitabu vya kusoma 6,468 kwa wanafunzi wa darasa la Pili na Vitabu vya Kiingereza 4,102 kwa Wanafunzi wa darasa la Tatu na Vitabu vya Hisabati na Kiingereza(English) vya darasa la Nne 2799, leo katika Ofisi ya Afisa Elimu Msingi. Huu ni Utekelezaji wa Sera ya Elimu Bure wa Serikali ya Awamu ya Tano ya Mhe. John Joseph Pombe Magufuli,ugawaji wa Vitabu hivo unaendelea kwa Shule zote 78 zilizopo Wilaya ya Bukombe, sera ya Elimu bure Awamu ya Tano inatekelezwa kupitia Ofisi ya Rais Tawala za Mikoa na Serikali za Mitaa(TAMISEMI).

Walimu wa kuu kutoka shule za msingi mbalimbali walikuwa na haya ya kusema juu ya ujio wa vitabu hivi mashuleni, Mwalimu Stephano Masalu wa Shule ya Msangi Nampangwe amesema ameèfurahishwa sana na ujio Wa Vitabu hihi Kwani sasa utaimarisha ufaulu wa wanafunzi kuanzia Darasa la 1 mpaka Darasa 4, Kwani ndipo Msingi Mkubwa wa ufaulu wa Darasa la 7 unapojengwa, naye Mwalimu Leah Mabula wa Shule ya Msingi Katome amesema Vitabu hivo vitaongeza chachu ya wanafunzi kusoma kwa bidii, hususani wanafunzi wa Darasa la 4 ambao hawakuwa na Vitabu vya kutosha hivyo watakuwa na Vitabu vya rejea kwa kila mmoja.

Wilaya ya Bukombe ina jumla ya Shule za Msangi 78, zende jumela ya Wanafunzi 76,459 kuanzia arasa la Kwanza mpaka dares la Saba, zoezi hili la ugawaji wa vitabu kwa wanafunzi linaenda sambamba na uhamasishaji wa ujenzi wa vyumba vya madarasa ili kuendelea kuboresha mazingira mazuri ya elimu kwa wanafunzi.

                                                                                                        Mwalimu Mendora Masaki akiwa ameshikilia Vitabu alivyokabidhiwa tayari kupeleka kwa Wanafunzi.

                                                                 Afisa Elimu Vifaa na Takwimu Ndugu Sida Shalali akipanga vitabu kutokana na darasa husika ili kurahisisha wakati wa ugawaji vitabu hivo.

                                                                                                    Mwalimu Stephano Masalu wa shule ya Msingi Nampangwe akiwa amebeba boksi lililosheheni Vitabu

                                                                                                         Walimu wa shule za Msingi wakipokea Vitabu tayari kupeleka mashuleni.