DC Bukombe awataka wananchi kupima maeneo yao

Imewekwa: September 17th, 2018

Mkuu wa Wilaya ya Bukombe Mhe. Said J. Nkumba amewataka wananchi wa kata ya  Katente, Bulangwa, Ushorombo na Igulwa  kuhakikisha wanapima maeneo yao  ili kupata hati miliki itakayosaidia kuwa na uhakika wa usalama wa ardhi wanayomiliki pamoja na kuomba mkopo benki. 

Ameyasema hayo tarehe 11 Septemba, 2018  katika dawati lililolenga kusikiliza na kutatua kero za  wananchi eneo la stendi  kuu ya mabasi ushirombo.

Pia Mhe. Nkumba amewaomba wananchi  wa kijiji cha Kichangani  kuhakikishi wanashirikiana na watumishi wa Idara ya  Ardhi  ili waweze kuainisha maeneo  barabara   kwa ajili ya matengenezo.

Kwa upande wake Meneja wa TARURA Wilaya ya Bukombe  Mhandisi Chacha Mseti amesema  ameishapokea kiasi cha Shillingi 400,000,000.00  kwa ajiri ya matengenezo  ya  barabara.

Aidha, Mkuu wa Wilaya amewaagiza wakuu wa idara  na vitengo kuhakikisha wanatatua kero za wananchi na siyo kukaa ofisini tu na taarifa ya utatuzi wa kero hizo zipelekwe ofisini kwake. “Hatuwezi  kukaa ofisini wakati wananchi wana kero”

Pia Mhe. Nkumba amemtaka Afisa Ardhi Ndg Joseph Kiwili kuhakikisha anawachukulia hatua za kisheria wanananchi wote waliojenga   katika maeneo ya hifadhi ya barabara na kwenye uchochoro. “Piteni kila eneo lililopimwa na muwachukulie hatua wananchi wote waliojenga kinyume na utaratibu”.

Kero ziilizoibuliwa ni pamoja ukosefu wa vifaa vya kufanyia usafi katika machinjio ya Mwalo, migogoro ya ardhi, kosefu wa miundombinu ya barabara, umeme pamoja na maji.

Baadhi wa Wananchi waliojitokeza kutoa kero zao.