Dkt. Doto Biteko atoa matofali 5000 Bugege

Imewekwa: September 19th, 2022

Diwani wa Kata ya Namonge Mhe Mlalu Bundala ametuma shukrani nyingi kwa Mbunge wa Jimbo la  Bukombe na Waziri wa Madini Mhe Dkt. #DotoBiteko kufuatia kuunga mkono wananchi wa Kijiji cha Bugege kilichopo kata ya Namonge Wilaya ya Bukombe kwa kuwapa matofali 5000 na Saruji Mifuko 50.

Mhe Biteko alitoa ahadi hiyo ili kuunga mkono nguvu za wananchi walioanzisha ujenzi wa Msingi wa Zahanati na kumuomba Biteko awaunge mkono kwa matofali na Saruji ombi ambalo alikubaliana nalo ambapo tayari Ahadi hiyo ameshaitekeleza.

Aidha Mhe Mlalu ameongeza kuwa, Biteko ameendelea kuunga mkono Ujenzi wa Miradi mbalimbali ndani ya kata ya Namonge na si Bugege tu hali inayofanya wananchi wa Namonge kuendelea kumuunga mkono.

️Mwenyekiti wa serikali ya Kitongoji cha Buganzu katika kijiji cha Bugege  bwana Masanja Mange amemshukuru Mbunge kwa niaba ya wananchi na kusema kuwa wanakijiji hiki kwa ujumla wao, wanamuombea Mbunge wao na wanaahidi ushirikiano wa kutosha kwake maana anaendelea kuunga mkono nguvu zao.

#KusemaNaKutenda

#Kaziiendelee