“Hawa ndiyo wazalendo vijana” DC Nkumba

Imewekwa: October 9th, 2018

Wanamgambo 90 Wilayani Bukombe wamefuzu mafunzo ya mgambo yaliyodumu kwa miezi minne, wanaume wakiwa 79 na wanawake 11.Mkuu wa Wilaya ya Bukombe Mhe.Said Nkumba amewapongeza wanamgambo hao kwa kuwa wazalendo wa nchi yao na amewaahidi kuwa endapo nafasi za kazi zitajitokeza hususani jeshi la Polisi, Zimamoto na jeshi la wananchi(JWTZ) kipaumbele kitakuwa kwa hawa wahitimu wa mgambo 90.

Aidha, amesema kufuzu huku kumetoa fursa kwa vijana hawa kupata mafunzo muhimu ya ukakamavu wa mwili na kuongeza uwezo wa kujilinda, pia kupata ajira mbalimbali za Ulinzi amesema hayo alipokuwa akifunga mafunzo tarehe 5/10/2018 katika uwanja wa mpira Kilimahewa, kata ya Bulangwa.

Wajumbe wa Kamati ya Ulinzi na Usalama ya Wilaya  kwa nyakati tofauti wamewapongeza wanamgambo wazalendo ambao ni vijana kwakuwa na uthubutu na kujituma katika kuitumikia nchi.