Tutambue ushiriki wa wanawake katika shughuli za kiuchumi ni kichocheo kizuri maendeleo ya nchi.

Imewekwa: June 23rd, 2017

Leo wilayani Bukombe jukwaa la uweszeshaji wanawake kiuchumi limezinduliwa rasmi.

Ushiriki wa wanawake katika shughuli za kiuchumi huleta mabadiliko makubwa sana ngazi ya familia,jamii na nchi kwa ujumla, wanawake wengi hawapati fursa kutosha za kiuchumi hapa nchini kwetu na hata duniani kote kwasababu ya kutokuwa na usawa wa fursa,uwezo wa kupata mitaji,ajira na baadhi ya maeneo ya malipo ya kazi kwa wanawake kutokuwa sawa na wanaume.

Ni muhimu kwa jamii kuondoa matabaka,kuwa na sheria ambazo zitasaidia kuondoa ubaguzi wa kiuchumi kwa wanawake na huleta  maendeleo ya usawa katika pato la Taifa, jamii na kwenye familia. Vile vile, Uwezeshaji wanawake kiuchumi ni muhimu ili kuhakikisha malengo ya maendeleo endelevu pamoja na yale ya 50/50 ya dunia yanafikiwa ifikapo 2030, Sasa hili kutimiza malengo haya Mhe.Makamu wa Rais ameagiza kuwepo kwa majukwaa ya uwezeshaji wanawake kiuchumi katika Mikoa na Halmashuri zote za Tanzania.

Lengo la jukwaa la uwezeshaji wanawake kiuchumi  ni kukutana na kujadiliana fursa, changamoto na jinsi ya kushiriki kikamilifu katika biashara na shughuli zingine za kiuchumi. Pia kuongeza uelewa wa wanawake katika uchumi, biashara, upatikanaji wa mitaji, sheria za nchi katika masuala ya kiuchumi na jinsi ya kujitegemea kiuchumi. Katika uzinduzi huu wajumbe kutoka sekta mbalimbali wamehudhuria watumishi wa Serikali, asasi za kiraia, kidini, wadau wa maendeleo yani mashirika wahisani, taasisi za fedha pamoja na taasisi za biashara.

Mgeni Rasmi  Ndugu Ally Mketo Afisa Tawala kwa naiba ya Mkuu wa Wilaya katika uzinduzi huu ameomba wanawake kufanya kazi kwa pamoja katika kuendesha mijadala ya jukwaa na kutumia fursa mbalimbali zilizopo ili kuweza kujikwamua kiuchumi kwa pamoja, "Jukwaa hili liwe la wanawake wachapa kazi,wanaojua kututumia fursa zilizopo kujikwamua kiuchumi,kila mwanamke kupitia jukwaa hili anatakiwa ashiriki kwenye biashara na ucumi ili kuweza kutengeneza jukwaa la uweszeshaji wanawake kiuchumi kuwa mara" amesema Mketo.

Wanawake wakishangilia uzinduzi wa jukwaa la uwezeshaji waanwake kiuchumi.

Uchaguzi wa Mwenyekiti wa Jukwaa la uweszeshaji wanawake kiuchumi.

Wagombea wakiomba kura ili kupata Mwenyekiti na kamati nzima ya Jukwaa la Wanawake wilaya.

                                Kura zikihesabiwa na Mratibu wa Jukwaa la uwezeshaji wanawake kiuchumi ngazi ya Mkoa pamoja na Mratibu wa wilaya.

Wagombea wakishuhudia nämna kura zinavyohesabiwa.

  Wanawake wa Jukwaa wakishangilia kumpata Mwenyekiti wa Jukwaa la uwezeshaji wanawake Kiuchumi Wilaya ya Bukombe.

Kulia ni Mwenyekiti wa Jukwaa la uwezeshaji wanawake kiuchumi Bi. Leticia Maurice aliyechanguliwa na Kushoto ni Makamu Bi.Veronika Lukuba