JUMLA YA MITI 150 IMEPANDWA KUELEKEA MAADHIMISHO YA MIAKA 60 YA JAMHURI YA MUUNGANO WA TANZANIA

Imewekwa: April 25th, 2024

Kuelekea katika Maadhimisho ya Miaka 60 ya Jamhuri ya Muungano wa Tanzania, Katibu Tawala wa Wilaya ya Bukombe ndugu Onesmo Kisoka ameongoza zoezi la upandaji wa miti katika Shule ya Msingi Bomani Kata ya Katente leo tarehe 25 April 2024.

Katika zoezi hilo jumla ya miti 150 imepandwa ikiwa ni miti ya matunda, kivuli na mbao.

Kisoka amewataka Wananchi kuwa na muendelezo wa kupanda miti mara kwa mara ili kupata lishe bora na kukabiliana na mabadiliko ya tabia nchi.

 “Zoezi la upandaji wa miti linapaswa kuwa endelevu katika maeneo yetu kwani ni sehemu ya utunzaji wa mazingira”.

Aidha Kisoka amesema kuwa miti yote iliyopandwa itunzwe vizuri ili iweze kukuwa vyema na kuleta tija katika mazingira yetu.

Kwa upande wake Kaimu Mkurugenzi Mtendaji wa Halmashauri ya Wilaya ya Bukombe Melania Kwai ameahidi kuhakikisha miti yote iliyopandwa inatunzwa na kukuwa ili kufikia malengo yaliyokusudiwa.

Naye Meneja wa Wakala wa Huduma za Misitu Tanzania (TFS) Wilaya ya Bukombe Emilian Fabian amesema baada ya kupanda miti 150 tutakuwa tumefanikiwa kupanda miti 78,905 ndani ya Wilaya yetu.

Maadhimisho ya Miaka 60 ya Jamhuri ya Muungano wa Tanzania  yanapambwa na Kauli mbiu isemayo “Miaka 60 ya Jamhuri ya Muungano wa Tanzania,Tumeshikamana na Tumeimarika, kwa Maendeleo ya Taifa letu”