Jumla ya Shilingi 250,979,360.00 Kutumika Kwa Ajili ya Zoezi la Uhawilishaji Fedha

Imewekwa: February 10th, 2023

Halmashauri ya Wilaya ya Bukombe imepokea kiasi cha fedha shilingi 250,979,360.00 ikiwa ni malipo ya kipindi cha Novemba - Desemba 2022 kwa ajili ya zoezi la uhawilishaji fedha kwa walengwa wa Mpango wa TASAF  III awamu ya pili.

Akiongea wakati wa zoezi hilo tarehe 9 Februari 2023 Mratibu wa TASAF Wilaya Prisca Lyimo amesema Jumla ya kaya 5,130 zitalipwa fedha taslimu kiasi cha shilingi 221,828,000.00, kaya 3,770 zitalipwa kiasi cha shilingi178,032,135.00 kwa njia ya simu za mkononi na akaunti za benki na kaya 2 zitalipwa kiasi cha shilingi 236,000.00 kwa njia ya Over the counter (OTC).

Kwa upande wake Regina Simoni Gagi mnufaika kutoka kata ya Bulangwa ameishuru Serikali kupitia mradi wa TASAF kwa kuendelea kuleta fedha za mpango kwa walengwa.

" Tunaishukuru sana Serikali kwa kuendelea kutoa fedha za walengwa wa mradi kwani mpaka sasa nimeweza kujenga nyumba ya vyumba viwili na sebure kupitia kiasi cha shili 38,000.00 ninachokipata kwa kila dirisha la malipo."

Aidha Regina aliendelea kusema kuwa fedha hizi siyo ndogo cha msingi ni kuwa na matumizi mazuri na kuweka vipaombele ili malengo ya mradi yaweze kufikiwa.

Vile vile amewashauri walengwa kuacha tabia ya kutumia vibaya fedha na badala yake wawekeze katika shughuli zitakazowaletea maendeleao.

Katika Halmashauri ya Wilaya ya Bukombe zoezi la uhawilishaji fedha kwa walengwa limeanza tarehe 9 Februari, 2023 na linatalajiwa kumalizika tarehe 11 Februari,  2023.