Kabila la Wasukuma Lafanya Maombolezo

Imewekwa: April 1st, 2021

Kabila la wasukuma katika Wilaya ya Bukombe Mkoani Geita tarehe 01 Aprili, 2021  limefanya Maombolezo ya kumuenzi aliyekuwa Rais wa Jamhuri ya Muungano wa Tanzania Hayati DKT .John Pombe Magufuli.

Akiongea katika sherehe za maombolezo hayo Sita Wasita kwa niaba ya Mwenyekiti wa Wazee maalufu wa Wilaya ya Bukombe amesema kwa taratibu za mila na desturi za wasukuma Mtemi anapofariki au kuaga dunia huwa tunafanya maombolezo ya kumuenzi kwa kucheza ngoma na kuimba nyimbo za tamaduni za asili.

Naye Mkuu wa Wilaya ya Bukombe Mhe. Said Nkumba amewashukuru wazee wa Wilaya ya Bukombe kwa kufanya tukio hilo na amewataka wananchi kuendelea kuomboleza kwa amani, upendo na mshikamano kwani bado tupo kwenye siku 21 za maombolezo.

Maombolezo hayo kiwilaya  yamefanyika katikaTarafa ya Siloka, kata ya Busonzo kijiji cha Nampalahala.