Kamati za Ujenzi Tekelezeni Majukumu Yenu

Imewekwa: November 17th, 2022

Katibu Tawala wa Wilaya ya Bukombe Ndg. Paul Cheyo kwa niaba ya Mkuu wa Wilaya amewataka wajumbe wa kamati zote za ujenzi kutekeleza majukumu yao ili ujenzi wa vyumba 4 vya madarasa katika shule ya sekondari Butinzya,  ujenzi wa vyumba 11 vya madarasa shule ya sekondari Businda (Mwalo) na ujenzi vyumba 10 vya madarasa shule ya sekondari Uyovu (Buganzu) viweze kukamilika katika muda uliyopangwa.

"Ndugu zangu mpo nyuma ya muda katika utekelezaji wa mradi hii. Kamati za ujenzi akikisheni mnatekeleza majukumu yenu. Sipo tayari kuona miradi hii inakwama."

Cheyo ameyasema hayo leo tarehe 17 Novemba, 2022 wakati wa ziara ya kutembelea na kukagua miradi ya maendeleo iliyohusisha Mwenyekiti wa CCM Wilaya, Mwenyekiti wa Halmashauri pamoja na Wakuu wa Divisheni na Vitengo.

Halmashauri ya Wilaya ya Bukombe ilipokea kiasi cha fedha shilingi Bilioni 2.5 kwa ajili ya ujenzi wa vyumba  vya madarasa 126 katika shule 19 kwa ajili ya  wanafunzi wa kidato cha kwanza kwa mwaka wa masomo 2023.

#Kasi ya Samia Bukombe

#Kazi Iendelee