KASI YA UKUSANYAJI MAPATO IONGEZEKE

Imewekwa: November 24th, 2023

Ongezeni kasi ya ukusanyaji mapato ili  miradi inayotekelezwa kwa mapato ya ndani iweze kukamilika na kutoa huduma bora kwa wananchi. 

Hayo yamesemwa na Makamu mwenyekiti wa halmashauri ya Wilaya ya Bukombe Mhe. Boniface Shitobelo wakati kamati ya Fedha Uongozi na Mipango ilipotembelea kituo cha Afya  Msonga tarehe 24 Novemba, 2023 chenye mradi wa Jengo la upasuaji na wodi ya wazazi unaotekelezwa kupitia mapato ya ndani. 

Kwa upande wake Mganga Mfawidhi wa kituo cha Afya Msonga Rajabu Mgaya amesema mpaka sasa kituo cha Afya Msonga kinatoa huduma ya  wagonjwa wa nje (OPD) na kinahudumia zaidi ya wateja  200 kwa mwezi 

Aidha Diwani wa Kata ya Bukombe Mhe. Rozalia Masokola amewataka Wahandisi wa Ujenzi kwenda kutembelea miradi ya ujenzi mara kwa mara.

"Msikae maofisini katembeleeni miradi pamoja na kutatua changamoto zinazoweza kujitokeza ili miradi yetu iweze kukamilika katika muda uliyopangwa na kwa ubora unaotakiwa." 

Miradi iliyotembelewa ni pamoja na mradi wa Ufyatuaji Tofali wa halmashauri, Ukamilishaji wa kituo cha Afya Msonga, ukamilishaji  Zahanati ya Namsega, ujenzi wa Stendi ya Mabasi Uyovu, ujenzi wa jengo la wagonjwa wa nje (OPD),  vyoo matundu 4 vya wagonjwa pamoja na kichomea Taka Zahanati ya Nalusunguti.