Kuweni na Tabia ya Kufanya Mazoezi

Imewekwa: April 5th, 2022

Mkuu wa wilaya ya Bukombe Mkoani Geita amewataka watumishi wa serikali kuwa na tabia ya kufanya mazoezi  ili kuimarisha afya ya  mwili na akili.

Wito huo umetolewa na Afisa Tawala Ally Mketo kutoka Ofisi ya Mkuu wa Wilaya ya Bukombe kwa niaba ya Mkuu wa Wilaya Mhe. Said Nkumba kwenye  bonanza la michezo lililofanyika katika viwanja vya shule ya Sekondari Ushirombo.

"Kupitia bonanza hili tutahakikisha kila Jumamosi ya mwisho wa mwezi itakuwa ni siku ya michezo watumishi wote pamoja na wananchi tujitokezeni kwa wingi ili tuweze kuimarisha afya zetu. Pia tutapunguza gharama za matibabu kwa magonjwa ambayo yanatibika kwa kufanya mazoezi." amesema Mketo.

Naye Meneja wa Benk ya CRDB Tawi la Bukombe Adabert Danstan na Meneja wa Benk ya NMB Tawi la Bukombe Andrew Msonga wamesema wataendelea kutoa ushirikiano kwenye masuala ya michezo kwa kushirikiana na serikali hasa katika uandaaji wa bonanza ya michezo.

Kwa upande wake Afisa michezo Wilaya ya Bukombe Jenipher Kisusi amewashukuru wadau wa michezo( Benk  ya CRDB na NMB) kwa udhamini mkubwa walioufanya. Lengo la Halmashauri ni kuifanya jamii kupenda mazoezi kwa kuimarisha Afya ya mwili na akili.

MWISHO