"Maafisa elimu kata fanyeni kazi hakuna tena kisingizio" DC Nkumba

Imewekwa: August 13th, 2018

Mkuu wa Wilaya ya Bukombe Mhe.Said Nkumba leo amewakabidhi waratibu elimu Kata piki piki 17 huku kila Afisa Elimu Kata akipata Jikipiki Moja(1),pikipiki hizo zimetolewa na Serikali Kupitia program ya Kusoma,Kuandika na Kuhesabu katika Shule za Msingi, lento la kupatiwa Vitendea Kazi hihi ni kurahisisha utendaji kazi wa waratibu hawa kufika katika Shule zote zilizopo Endani ya Kata yake ili kuhamasisha ujenzi wa kiundombinu,kusimamia utoro wa Wanafunzi shuleni, “Vitendea Kazi hivi pia vikawe chachu ya usimamizi wa karibu kwa walimu na wanafunzi hivyo kupelekea Matokeo Mazuri ya Darasa la Saba”Alisema DC Nkumba

Pia amewataka maafisa elimu  kata kuacha kukaa ofisini badala yake kuhakikisha wanatembelea shule zote zilizo ndani ya kata zao ili kutimiza lengo la vifaa hivo walivyopatiwa na serikali, "nitashangaa nikija kutembelea kata fulani eti nikamkuta afisa elimu ofisini wakati nimepata ripoti za watoto watoro na mimba shuleni, na pikipiki hizi zikatumike muda wa kazi za serikali na sio kwenda mwenye mambo binafsi ambayo yanaweza haribu kitendea kazi hivyo kushindwa kutimiza lengo husika" alisema DC Nkumba.

Kaimu Mkurugenzi mtendaji wa Halmashauri ndugu Joseph Machibya amemuahidi Mkuu wa wilaya kuwa atahakikisha vitendea kazi hivi walivyopatiwa maafisa elimu kata vinatumika kwa lengo lililokusudiwa, na afisa elimu kata yoyote abbaye atashindwa kutimiza lento husika na kutumia kitendea kazi hiki kwa malengo yake binafsi atachukuliwa hatua za kinidhamu mara tu atapobainika kwenda kinyume na makusudi ya vitendea kazi hivi ambavyo watumishi wa kada nyingine pia wanazihitaji sana.

Mmoja wa maafisa elimu kata ndugu Alex Nkingwa ambaye ni afisa elimu kata ya Iyogelo, amesema amefurahishwa sana na namna ambavyo serikali ya wamu ya tano inavyojali watumishi hususani wale wa katana ambao shughuli zao nyingi ni za kusimamia shule zote za ndani ya kata ambazo zipo mbalimbali sana, "awali kabla ya kupatiwa usafiri huh wa pikipiki tulikuwa tungpanda baiskeli au kutumia fedha nyingi na kukodi pikipiki ili zikuzungushe kijiji chote au kata note ili usimamie ufundishaji na wanafunzi kwa ujumla, hali ambayo ilikuwa ngumu sana hivyo kusababisha kupelekea usimamizi hafifu, ila sasa tunaahidi mabadiliko makubwa katika sekta ya elimu" alisema Afisa elimu kata

Mwaka jana Halmashauri ya Wilaya ya Bukombe ilishika nafasi ya 3 Kimkoa na Kitaifa nafasi ya 17, kwa vitendea kazi hivi Wananchi wa Bukombe wategemee matokeo mazuri zaidi” alisema Kabanga Afisa elimu msingi, wilaya ya Bukombe ina Jumla ya Kata 17 na Shule za Msingi 78.

                                                                      Maafisa elimu kata wakiwa na pikipiki walizokabidhiwa.

Mkuu wa wilaya aliyeshika elementi akiwakabidhi Maafisa elimu pikipiki.