Madiwani Bukombe watambua mchango wa Padri Salvatory Guerrera.

Imewekwa: May 17th, 2017

Katika Mkutano wa Baraza la Madiwani wa kupokea na kujadili taarifa za utekelezaji kwa kipindi cha robo tatu, waheshimiwa madiwani wametoa cheti cha shukurani kwa kutambua mchango wa shughuli za maendeleo zinazofanywa na Padri Salvatory Guerrera wa kanisa la Katoliki parokia ya Kabuhima . Padri Salvatory amekuwa mshiriki na mdau mkubwa wa shughuli za maendeleo wilayani Bukombe,akiwa amejikita katika kutoa huduma za kielimu,Maji na afya. Katika sekta ya elimu Padri Salvatory  amejenga vyumba vya madarasa viwili,jengo la utawala la shule ambalo lipo katika hatua za ukamilishaji na choo cha matundu 4, madawati 35 na misingi 8 ya vyumba via madras katika shule ya musing Lulamba ambayo ni shule shikizi ya Musasa. Pia sekta ya maji amejenga visima virefu katika kata ya Busonzo,Runzewe Magharibi,Uyovu, na Bugelenga wilayani Bukombe.

Padri Salvatory ameshukuru baraza la madiwani kwa kutambua mchango anaotoa kwa jamii ya Bukombe had kumualika kwenye Mkutano na kumpa Tuzo ya Heshima"Hakika nimefurahishwa sana na tukio hili limenifanya nami nijione sasa ni mwanabukombe rasmi, sabbat nilikuja Wilayani Bukombe mwaka 2000 katika kanisa la katoliki parokia ya Kabuhima kutoa huduma ya kiroho lakini nikaguswa kushiriki katika shughuli za maendeleo kwaajili ya jamii ya wananchi wa Bukombe wenye huhitaji wa huduma mbalimbali" amesema Padri Salvatory.

Aidha  Baraza la Madiwani limetambua shughuli za maendeleo zinazofanywa na shirika la Msalaba Mwekundu wilayani Bukombe,Mwenyekiti wa Halmashauri Mhe.Safari Nikas Mayala amemkaribisha msimamizi wa miradi mbalimbali wa shirika hilo Bi.Ritha Chusi katika Mkutano huo. "Tunatambua shughuli nzuri za maendeleo na elimu mnayotoa kwa wananchi wetu wa wilaya ya Bukombe na sisi kama wawakilishi tunafarijika sana kuona mashirika mbalimbali yakisaidia wananchi wetu,tunawatambua na tunawashukuru pia tunakaribisha mashirika mengine kuja kusaidia wananchi wetu kupata maendeleo" amesisitiza Mhe.Mwenyekiti. 

Msimamizi wa miradi ya shirika la msalaba mwekundu(Redcross)  Bi. Rita kwa niaba ya shirika amepokea shukrani za waheshimiwa madiwani za kutambua mchango wa shirika hilo,na ameeleza kwa kifupi kuwa shirika linaendesha miradi ya kujenga jamii bora,kuwapa faraja waathirika wa ugonjwa wa Ukimwi, pia kuendelea na kutoa elimu ya kupunguza maambukizi ya virusi vya Ukimwi na kutoa msaada kwa waathirika na kwa watoto yatima wilayani Bukombe.

 Mkuu wa Wilaya ya Bukombe Mhe.Josephat Maganga akimkabidhi Padri Salvatory Guerrera Tuzo ya Heshima,Shukrani na Utambuzi.

 Padri Salvatory Guerrera wa kanisa Katoliki Parodia ya Kabuhima wilayani Bukombe akijitambulisha katika Mkutano wa Baraza la Madiwani.

 Waheshimiwa Madiwani wakisikiliza historia fui ya Padri Salvatory Guerrera wa kanisa Katoliki Parodia ya Kabuhima.