Mafunzo ya mgambo 98 Bukombe yaanza rasmi

Imewekwa: August 21st, 2018

Mkuu wa Wilaya ya Bukombe Mhe. Said J Nkumba amefungua rasmi mafunzo ya Mambo tarehe 20.8.2018, katika ufunguzi huo Mkuu wa Wilaya amewataka vijana kujifunza mafunzo hayo kwa Uaminifu mkubwa na kwa Uzalendo wa hali ya juu ili waweze kufuzu mafunzo haya yenye kuwajenga kupambana na vita, kulinda usalama wa raia na kuzidisha uzalendo wa kutumikia Taifa la Tanzania.

Aidha Mkuu wa Wilaya amewambia kufuzu kwa mafunzo haya itakuwa fursa za Ajira katika majeshi Mbalimbali kama JKT, JWTZ na wataangaliwa watu gani waliopitia mafunzo haya ya ukakamavu ili wapewe vipaumbele vya ajira,  “kwani hatutachukua Vijana ambao hawajafuzu mafunzo ya mgambo, “alisema DC Nkumba 

Pia DC Nkumba alisisitiza “kumaliza kwa mafunzo haya mtapata fursa za kupata ajira katika majeshi mbalimbali na pia mtapata mtaji wa ajira ndogo ndogo kama za ulinzi”.Jumla ya Wanamgambo 98 wameanza rasmi leo mafunzo ya mgambo ili kuendelea kujenga Taifa bora lenye vijana wakakamavu na waliotayari muda wowote kutetea Taifa lao.

                                                                                                        Wanamgambo 98 wakiwa tayari kuanza mafunzo.

                                                                             Wanamgambo 98 wakiwa na wakufunzi wakati kufungua mafunzo.

                             Mkuu wa wilaya Bukombe Mhe.Said Nkumba akiongea na wanamgambo 98 akifungua mafunzo.