Mikataba ya shilingi milioni 903.6 yasainiwa.

Imewekwa: November 11th, 2021

Halmashauri ya Wilaya ya Bukombe tarehe 10 Novemba, 2021 imesaini mikataba ya shilingi Milioni 903,680,002/=, Shilingi Milioni 699,680,000/= mkataba kwa ajili ya kuweka Taa za barabarani katika Mji wa Ushirombo kutoka Kampuni ya EH Engineering Company Limited na shilingi Milioni 204,000,000/= Mkataba wa Mashine ya kuchakata mazao ya Nyuki kununua, kusimika na kutoa mafunzo kwa watumiaji kutoka kampuni Central Park Bees Limited.

Aidha Mkuu wa Wilaya ya Bukombe Mhe.Said Nkumba amewataka wazabuni hao kutimiza wajibu wao ili miradi hiyo iweze kukamika katika muda uliopangwa.

"Timizeni wajibu wenu ili muweze kukamilisha miradi yenu kwa wakati na sisi Bukombe tupo tayari kuwapa ushirikiano."Nkumba ameyasema hayo wakati wa hafla ya utiaji saini mikataba hiyo.

"Nimefurahishwa sana kuona mikataba hii imekuwa ya uwazi kwa kila mtu. Sisi Wahe. Madiwani tumepata cha kujivunia na tutaendelea kushirikiana na halmashauri katika kutekeleza miradi ya Bukombe.’’

Hayo yamesemwa na Mwenyekiti wa Halmashauri Mhe.Yusuph Mohamed Yusuph. Diwani wa kata ya Bulangwa.

Akiongea katika hafla hiyo Mkurugenzi Mtendaji wa Halmashauri ya Wilaya ya Bukombe Lutengano Mwalwiba ameishukuru Serikali kwa kuipatia halmashauri fedha kwa ajili ya utekelezaji wa miradi hiyo.

‘’Naishukuru sana serikali kwa kutupatia fedha kwa ajili ya utekelezaji wa miradi hii. Nawapongeza wote walioshiriki na kufanikisha kwani kuna maeneo mengi yamekosa fedha hizi.Hili ni jambo kubwa sana limetokea katika halmashauri yetu.’’

Acram Issa Ulungu Mtendaji Mkuu kutoka kampuni ya Central Park Bees Limited ameahidi kufanya kazi yenye ubora na kuhakikisha inakamilika katika muda uliopangwa.

 "Tunaahidi kufanya kazi yenye ubora na kuhakikisha inakamilika kwa wakati. Tutahakikisha kuwa tunaipendezesha Bukombe.