Mkoa wa Geita Waadhimisha Siku ya Mazingira Duniani

Imewekwa: June 5th, 2021

Mkoa wa Geita waadhimisha Siku ya mazingira Duniani kwa kuzindua mradi wa kuotesha Miche ya miti kwa shule za Msingi na Sekondari. Mhe. Said Nkumba, Mkuu wa Wilaya ya Bukombe akimuwakilisha Mkuu wa Mkoa wa Geita amezindua Mradi wa Uoteshaji Miti kwenye shule za Msingi na Sekondari mkoa Geita ikiwa ni Maadhimisho ya Siku ya Mazingira Duniani yaliyofanyika Wilayani Chato leo Juni 05, 2021.

Akizungumza na wananchi, Mhe. Nkumba ametoa wito kwa viongozi kufanya suala la uhifadhi wa mazingira kuwa ajenda ya kudumu na amewapongeza TFS kwa utayari wa uhifadhi kwa kutoa utaalamu na huduma kwenye uoteshaji wa miti na uhifadhi kwa ujumla

."Sote kwa pamoja, tupande miti mingi wakati wa mvua ili kujinususuru na jangwa na mabadiliko ya tabia nchi,"amesema.

Aidha, Mhe. Said Nkumba ametoa onyo kwa wanaokata miti kwa Shughuli mbalimbali zikiwemo za Uchimbaji wa Madini (Matimba) kuacha mara moja tabia hiyo badala yake watumie teknolojia zingie rahisi kwani wanahatarisha afya ya kila mmoja na kuharibu uchumi

.Awali, akizungumza na wanafunzi wa shule ya Sekondari Buseresere na Shule ya Msingi Bwanga wakati akikagua vitalu vya miti, Mhe. Nkumba ametoa wito kwa wanafunzi kufikisha Elimu ya uhifadhi wa mazingira kwa Wazazi wao waweze kutunza miti ya asili ambayo pia ina faidi nyingi kwenye maisha yao ikiwemo kuwapatia mvua, hewa Safi pamoja na ufugaji nyuki kwa kuweka mizinga.

Mhe. Nkumba amempongeza Mkuu wa Wilaya ya Chato kwa usimamizi imara kwenye masuala ya mazingira hata kupata walimu hodari wa Mazingira waliowapa uwezo  wanafunzi hadi kuwa miongoni mwa wahifadhi kwa kupanda miti na amesema hiyo ni ajira wanaweza kupanda miti ya mbao ambayo inasaidia kuwainua kiuchumi.

Mhe. Fadhil Juma, Mkuu wa Wilaya ya Geita, ametoa rai kwa wataalam kutoa Elimu kwa jamii juu ya utunzaji wa mazingira huku akiwataka wachimbaji kuiga mfano kwa migodi inayotumia zege kushuka na kupanda kwenye mashimo ya Uchimbaji wa madini.

Wakati huohuo, Bi. Sania Mwangakala, kwa niaba ya Katibu Tawala wa Mkoa ameonya tabia ya ukataji miti hovyo kwa Shughuli za Uchimbaji madini Mkoani Geita.Akitoa ufafanuazi, Kaimu Mkuu wa Idara ya Uzalishaji na Uchumi kutoka Ofisi ya Mkuu wa Mkoa,

Mhandisi John Kulola amebainisha kuwa Halmashauri zote za Mkoa wa Geita zimetekeleza agizo la Ofisi ya Makamu wa Rais la kupanda miti isiyopungua Milioni 1.5 na ametoa wito kwa Halmashauri zilizo nyuma kwenye suala hilo kuongeza bidii.Aidha, amebainisha kuwa Usafi wa mazingira ni miongoni mwa kazi kubwa inayofanywa na Mkoa wa Geita pamoja na upandaji miti kwenye maeneo yote hususani kwenye migodi.

Vilevile, Ndugu Kulola amefafanua kuwa utumiaji wa Nishati mbadala ni miongoni kwa mkakati wa Mkoa na ametoa wito kwa wanaojihusha na Shughuli za Uzalishaji matofali watumie pumba za mpunga badala ya kuni ili kuendelea kuhifadhi mazingira.Mwanafunzu Juma Magesa,

 Mwenyekiti wa Club ya Malihai Chato Sekondari amesema kuwa, wao kama wanafunzi wanatoa Elimu kwa wenzao ambao wapo nje ya Club ya mazingira nao pia wanapeleka ujumbe kwa wazazi nyumbani juu ya faida za upandaji miti na kuhifadhi mazingira.Kauli Mbiu ya Maadhimisho ya Siku ya Mazingira Duniani mwaka 2021 inasema "Tutumie nishati Mbadala kuondoa mfumo wa Ikolojia"

.#KaziIendelee