Walimu wa Michezo Watakiwa Kuibua Vipaji

Imewekwa: February 19th, 2022

Mkurugenzi Mtendaji wa Halmashauri ya Wilaya ya Bukombe lutengano Mwalwiba amewataka walimu wa Michezo shule za Msingi na Sekondari Wilaya ya Bukombe kuhakikisha wanashirikiana kwa pamoja kwa kuwaunganisha wanafunzi katika michezo ili waweze kuibua vipaji.

Mwalwiba ameyasema hayo wakati akikabidhi mipira miwili yenye thamani ya shingingi 120,000 kwenye timu ya michezo ya Runzewe sekondari na Katente sekondari wakati wa michezo ya kirafiki katika viwanja vya shule ya sekondari katente

Kwa kufanya hivyo walimu wa michezo watakuza Taaluma zao na wanafunzi watakuza vipaji.

Wakati akipokea mpira zawadi Mwalimu wa michezo shule ya sekondari Runzewe Wilson Mereges amemshukuru Mkurugenzi Mtendaji kwa kutoa mipira hiyo na kusema kuwa itasaidia kuleta hamasa kwa wanafunzi.

Nae Mwalimu wa michezo shule ya sekondari Katente Godfrey Chilala amesema katente wamejipanga kuendelelea kuibua vipaji vya wanafunzi kwa kupitia michezo mbalimali ikiwemo mpira wa miguu, Pete pamoja na michezo mingine.

Kwa upande wake Afisa michezo Wilaya ya Bukombe Jenipher kisusi ameahidi kushirikiana na walimu pamoja na wadau wa michezo ili kuinua michezo mashuleni na kufikia malengo ya halmashauri katika masuala yamichezo.