Mkuu wa Mkoa Geita Mhandisi Robert Gabriel atangaza Vita vya Maendeleo wilayani Bukombe

Imewekwa: November 14th, 2017

Mkuu wa Mkoa wa Geita Mhandisi Robert Gabriel amezindua Kampeni ya ujenzi wa Vyumba vya Madarasa vya Shule ya Msingi Bulama kata ya Runzewe Mashariki na Vyumba vya Zahanati Kazibizyo kata ya Ng’anzo wilayani Bukombe.

Lengo ni kuhakikisha wananchi wanapata huduma bora na  za Uhakika katika sekta za Elimu na Afya.

Aidha katika uzinduzi huo Mkuu wa Mkoa amesisitiza ushiriki wa wananchi katika kuibua miradi ya maendeleo na kutumia vikundi vya ujenzi vya eneo husika huku vikipata usimamizi wa mhandisi wa wilaya ili kujenga majengo yenye ubora wa hali ya juu kwa gharama nafuu.

 “Miradi ya maendeleo ikiibuliwa nitahakikisha namalizia kila jengo liloanzishwa kwa nguvu ya wananchi na kuhakikisha natafuta wadau wa maendeleo kusaidia kukamilisha miradi yetu” alisema Mkuu wa Mkoa

Pia Mkuu wa Mkoa amewataka maafisa Tarafa watendaji wa kata na vijiji kutoa taarifa za miradi ya maendeleo hiyo kila wiki ambapo aliahidi kufuatilia kwa ukaribu zaidi suala hilo.

 “utendaji wa miradi hii nitaifuatilia kwa umakini wa hali ya juu” alilisitiza Mkuu wa Mkoa.

Katika uzinduzi huo watumishi ngazi ya wilaya na kata,pamoja na viongozi wa siasa walichangia jumla ya mifuko ya cementi 93,fedha taslimu 340,000/=,misumari kilo 3,matofali 500,mbao 50 pamoja na miche ya miti 50.

Mkuu wa mkoa pia ametoa magunia 2 ya unga kwa mafundi ujenzi wa kila mradi.

Kampeni hii ya ujenzi wa vyumba vya madarasa,zahanati na vituo vya afya inahusisha wilaya zote zinazounda Mkoa wa Geita.

Pichani Mkuu wa Mkoa wa Geita Mhandisi Robert Gabriel mwenye helmet range ya blue ameshiriki na Mwananchi kuchanga zege ujenzi wa zahanati Kazibizyo.

                                                                                               Pichani Ujenzi wa Vyumba vya Madarasa shule ya Msingi Bulama.

Pichani Mkuu wa Mkoa wa Geita Mhandisi Robert Gabriel ameweka zege kwee Msingi wa ujenzi wa Zahanati Kazibyizo.

Pichani Afisa Tarafa ya Siloka name ameshiriki vyema katika ujenzi wa vyumba vya madarasa sule ya Msingi Bulama.

Pichani ni Mwananchi Kijiji cha Kazibizyo akita amebeba mawe kuelekea kwenye musing wa ujenzi wa zahanati.

Pichani Mwananchi wa Kijiji cha Bulama aliyesikika akiitwa Lushiku akiwa amebeba Jiwe kubwa mgongoni.

Pichani Mkuu wa Mkoa wa Geita Robert Gabriel Mhandisi akisisitiza kauli mbiu ya "Hakuna Kulala Mpaka kieleweke" katika Mkutano wa Hadhara baada ya kuzindua ujenzi wa Zahanati Kazibizyo.

Mkuu wa Mkoa wa Geita Mhandisi Robert Gabriel  akiweka jiwe kwenye msingi wa ujenzi wa Vyumba vya Madarasa shule ya msingi Bulama.

Wananchi wa Kazibizyo wakishiriki Kikamilifu katika Ujenzi wa Zahanati kijiji cha Kazibizyo.