Mkuu wa Wilaya ya Bukombe kuwapongeza wananchi wote kwa michango yao.

Imewekwa: October 6th, 2021

"Kwa niaba ya Serikali ninawashukuru watu wote wakiwemo Wafugaji, Wakulima, Wafanyabiashara, wadau wa Maendeleo, Taasisi zote na Serikali na zisizo za Serikali, Watumishi, Viongozi pamoja na wananchi wote walioshiriki kwa hali na mali kuchangia michango yao ili kufanikisha sherehe za Mbio za Mwenge Maalum wa Uhuru mwaka 2021."

Pongezi hizo zimetolewa na Mkuu wa Wilaya ya Bukombe Mhe.Said Nkumba leo tarehe 6 Oktoba, 2021 wakati akikabidhiwa ng'ombe 4 kutoka kwa Uongozi wa Tarafa ya Bukombe kwa ajili ya kufanikisha sherehe hiyo.

Mpaka sasa Uongozi wa Wilaya ya Bukombe umekwishapokea jumla ya Ng'ombe 9 huku ng'ombe 2 zimetolewa na Uongozi wa Tarafa ya Siloka na 3 Ushirombo.

Mwenge Maalum wa Uhuru katika Halmashauri ya Wilaya ya Bukombe unatarajiwa kupokelewa tarehe 9 Oktoba, 2021 katika kijiji cha Buganzu kata ya Uyovu, Tarafa ya Siloka.