“Natoa Siku tatu tu Vibanda vibomolewe” DC Bukombe

Imewekwa: May 30th, 2018

Mwenyekiti wa Kamati ya Ulinzi na Usalama ambaye ni Mkuu wa Wilaya ya Bukombe Mhe.Josephat Maganga ameagiza Vibanda vilivyojengwa chini ya msongo wa Umeme wa Tanesco wenye Kilovoti 33 eneo la Ofisi za Chama cha Mapinduzi vibomolewe ndani ya siku 3 kata ya Katente mtaa wa Uhamiaji.

Akizungumza na Wananchi wa kata ya Igulwa,Katente,Bulangwa na Ushirombo katika Mkutano wa hadhara wilayani hapa, Mkuu wa Wilaya amewaasa Wananchi kufuata Mamlaka husika zilizowekwa Kisheria ili kuepuka migogoro itakayoweza kujitokeza baina ya Serikali na Jamii.

Mkuu wa Wilaya ametoa rai hiyo baada ya kupokea malalamiko juu ya uvunjwaji wa Sheria yaliyofikishwa kwa Kamati ya Ulinzi na Usalama ya Wilaya kutoka Ofisi ya Shirika la Umeme Tanesco na Halmashauri kupitia Idara ya Ardhi, juu ya ujenzi wa Vibanda vya Biashara katika eneo ambalo haliruhusiwi Kisheria kwa madai kuwa wamepewa kibali na ofisi ya Chama cha Mapinduzi CCM madai ambavyo si ya kweli baada ya kamati ya Ulinzi na Usalama kufuatilia na kujiridhisha kuwa madai hayo ni batili na kama ni mtu Mmoja alifanya hivyo kwa maslahi binafsi basi Chombo cha kuzuia na kupambana na rushwa TAKUKURU pamoja na Polisi vifanye uchunguzi haraka sana.

Aidha, Mkuu wa Wilaya pia ameagiza Halmashauri ya Wilaya ya Bukombe kutenga eneo kata ya Katente kwaajili ya Soko la Biashara ili wananchi watakaohama katika eneo Hilo la Kisheria lisiloruhusiwa wakajenge eneo ambalo sheria, na taratibu zinaruhusu ujenzi wa Soko hilo.

Mkurugenzi Mtendaji wa Halmashauri Ndugu Dionis Myinga amesema atatekeleza agizo hilo na kusisitiza wananchi kufuata Sheria,Kanuni na Taratibu zilizowekwa na Serikali ambazo zinatumika Kufanya kazi na Halmashauri zote Nchi.

Meneja wa TANESCO Wilayani Hapa Ndugu Thadei Mapunda amesema miundombinu iliyowekwa eneo hilo imehakikisha kuwa ni Salama hivyo kujenga katika eneo hilo kwa biashara ni hatari.

Katika Mkutano huu Wananchi nao wameomba kupatiwa maeneo mbadala kwani walipewa maeneo hayo kwa ajili ya kufanya biashara  lengo ikiwa kujikwamua kiuchumi.

Wananchi waliojitokeza Kwenye Mkutano.

Mwananchi Adam Machungwa akitoa kero Yake katika Mkutano wa Hadhara kuhusu Kubomolewa kwa Vibanda.

Mkuu wa Wilaya Mhe.Josephat Maganga akiongea na Wananchi katika Mkutano wa hadhara.

Meneja wa TANESCO Bukombe Ndugu Thadei Mapunda akiongea na Wananchi na Kutoa Elimu ya Umeme.

Vibanda Vilivyojengwa Kinyume na Sheria ya Ardhi .

Wananchi waliojitokeza Kwenye Mkutano.