Nimekuja Hapa Kutatua Changamoto Zenu Wanabukombe

Imewekwa: June 6th, 2021

#Nimekuja hapa na timu nzima ya Wizara kwa ajili ya kutatua changamoto zenu.

#Mhe Doto Biteko anazijua changamoto zenu na ndo maana ametuleta hapa ili tuzitatue na hii ndo faida ya kuwa na Mbunge anayejua shida za wananchi anaowaongoza na kujua wapi azipeleke ili zipate majibu

#Tumekuja katika hali ya kutekeleza Ilani ya Uchaguzi ya CCM ambayo inatutaka kuongeza ushirikiano kati ya Hifadhi na Wananchi.#Ombi la wananchi kutoondolewa katika pori la Kigosi tumelipokea na hakuna Mfugaji wa Nyuki atakayeondolewa

#Tutaweka utaratibu wa kugawa maeneo kwa vikundi ili mfugie humo na tutaanzisha utalii wa nyuki ili muweze kupata na fedha kutokana na utalii huo

#Wizara imejenga kiwanda cha kisasa Bukombe ambapo tutaleta mashine ya kuchakata asali na Bukombe tutazalisha asali bora ya kwanza Tanzania nzima.

#Naomba tuendelee kumuunga mkono Mbunge wetu maana ni wabunge wachache sana ambao wanatekeleza wajibu wao kwa wananchi kwa kiwango hiki kikubwa na ndiyo maana tumefika hapa

WAZIRI WA MADINI NA MBUNGE WA JIMBO LA BUKOMBE: MHE DOTO BITEKO.

#Nawashukuru sana watu wa Bukombe kwa kuacha kazi zenu na kuja kutusikiliza na leo ni Jumapili kwani mgeweza kupumzika nyumbani  lakini mmetuheshimu na kuja kwa wingi. Asanteni sana na Mungu awabariki sana.

#Namshukuru sana Mhe. Damas Ndumbaro Naibu Waziri na watendaji wote wa Wizara ya Maliasili na Utalii kwa kuja hapa Bukombe

#Suala la kutolewa katika msitu kwa wafugaji wa nyuki ni changamoto kwetu na ndo maana tunaye Waziri mwenye dhamana.#Mhe Ndumbaro tunaomba ulete matumaini na faraja kwetu. Asilimia kubwa ya eneo la Bukombe ni hifadhi hivyo mahusiano yetu watu wa Bukombe na Hifadhi ni ya muhimu sana.

#Ndugu zangu watu wema wa Bukombe, Rais wetu Mama Samia Suluhu Hassan ameendelea kutuunga mkono kwa kutupatia fedha za maendeleo katika sekta za Afya, Elimu, Maji na Barabara ambapo miradi mingi inaendelea kujengwa na pia tumepata magari mawili ya wagonjwa ambapo moja litaenda Namonge na jingine Bulega.

NAIBU WAZIRI WA MALIASILI NA UTALII : MHE MARY FRANCIS MASANJA

#Nawapongeza sana watu wa Bukombe maana mmepata mbunge mahili, msikivu na anayewapenda.#Mhe Biteko amekuwa akitusumbua na kutaka tuje hapa kutatua kero zenu na ndo maana tumefika.

#Mhe Biteko ni Lulu, mg'ang'anieni maana mkimuacha maeneo mengine wanamhitaji

#Bukombe mmekuwa mfano mzuri kwa ufugaji wa nyuki na mnazalisha asali bora. Naomba pia muendelee kuhifadhi mazingira.

MKUU WA WILAYA YA BUKOMBE : MHE SAID NKUMBA

#Ujio wa ugeni huu ni kutokana na mualiko wa Mbunge wetu Mhe. Biteko maana amesikia kero zetu na leo tunaye Waziri, Naibu Waziri na watendaji wa Wizara hii. Sio jambo la kawaida Wizara nzima kufika hapa.#Tunakushukuru sana Mheshimiwa Biteko

MWENYEKITI WA CCM (W) BUKOMBE DANIEL MACHONGO

#Hongera Mhe. Doto Biteko kwa jinsi anavyoshughulikia changamoto zinazowakabili wananchi na umedhihirisha ni kwa namna gani anawajali wananchi wako

#Nawaomba wanabukombe muendelee kumuunga mkono Mbunge wenu.

Imetolewa na:-

Kitengo cha TEHAMA.

Halmashauri ya Wilaya ya Bukombe

Tarehe 06 Juni, 2021.