Ongezeni kasi ya Usimamimzi wa Miradi. Juma Lushiku

Imewekwa: May 10th, 2021

Mhe.Juma Lushiku kwa niaba ya Mwenyekiti wa kamati ya Fedha, Uongozi na Mipango amewataka viongozi wote wanaohusika na usimamizi wa miradi  ya maendeleo kuhakikisha wanaongeza kasi ya usimamizi wa miradi  ili fedha  zisije kuchukuliwa na mfuko Mkuu wa serikali.

"Ongezeni kasi ya usimamizi wa miradi ili fedha za miradi zisijekuchukuliwa na mfuko Mkuu wa Serikali."

Mhe.Lushiku ameyasema hayo wakati ziara ya siku ya kwanza ya kamati ya Fedha, Uongozi na Mipango ya kutembelea na kukagua miradi mbalimbali inayotekelezwa katika halmashauri ya Wilaya ya Bukombe tarehe 10 Mei, 2021.

Naye Kaimu Afisa Mipango Wilaya Willibert Mganga ameiahidi kamati hiyo kuwa ifikapo tarehe 15 Juni, 2021 kabla ya mwaka mpya wa fedha  kuanza miradi yote itakuwa imekwishakamilika.

Miradi iliyotembelewa na kukaguliwa ni pamoja na Ujenzi wa vyoo vya OPD pamoja na Ukarabati wa miundombinu ya maji kituo cha Afya Uyovu, umaliziaji wa vyumba 4 vya madarasa na ofisi 1 shule ya Msingi Uyovu ( Kapwani), Umaliziaji wa vyumba 9 vya madarasa ofisi 2 na matundu14 ya vyoo shule ya msingi Nguvu kazi, ujenzi wa vyumba 2 vya madarasa na ofisi 2 shule ya msingi Ibamba, Ukamilishaji wa vyumba 4 vya madarasa na ofisi 2 shule ya msingi Nampalahala (Gengeni) na ukamilishaji wa madarasa 2 shule ya msingi Nampalahala.

.#kaziIendelee