Rais Magufuli afungua rasmi barabara ya Uyovu Bwaga yenye Km 45 Wilaya ya Bukombe

Imewekwa: March 10th, 2018

Rais wa Jamhuri ya Muungano wa Tanzania Mhe.Dkt.John Pombe Magufuli,amezindua barabara ya kiwango cha lami ya Uyovu - Bwanga yenye urefu wa kilomita 45 yenye thamani ya shilingi bilioni 47.

Amewataka wananchi kuacha vitendo vya kuhujumu miundombinu ya barabara kwa kuacha tabia ya kupitisha mifugo na kutochimba maeneo ya barabara kwa kuwa vitendo hivyo vinaharibu barabara.

Ameipongeza Wizara ya ujenzi kwa kazi nzuri ya usimamizi wa ujenzi wa barabara hiyo ambayo itarahisisha shughuli za usafiri na usafirishaji wa mizigo kutoka Mkoa wa Geita, Kagera, Mwanza, shinyanga na maeneo mengine ya nchi.

Akiwa katika Eneo la Uyovu wilaya ya Bukombe Mhe. Rais ameshukuru wananchi wa Bukombe kwa kumpigia kura nyingi amewataka washirikiane vyema na viongozi wazuri wa Mkoa wa Geita kuanzia Mkuu wa Mkoa, Wakuu wa Wilaya na Wakurugenzi ambao kwa pamoja wanafanya kazi nzuri ya kuwatumikia wananchi wa Mkoa wa Geita

Ameongeza kuwa Tanzania ni miongoni mwa nchi tano zinazokuwa kwa kasi kiuchumi, Serikali inatekeleza miradi mikubwa kwa ajili ya maendeleo ya wananchi kama uwekezaji katika miundombinu ya reli na barabara pamoja na elimu na afya ambapo katika bajeti ya mwaka 2018 shilingi bilioni 266 zitatumika katika sekta ya afya.

Amesisitza suala la amani kwa wananchi wote ili wapate maendeleo "nitasimamia na kulinda Amani kwa nguvu zangu zote watanzania na viongozi wa dini, siasa tusimame pamoja katika hili kwa kuwa pasipo na amani hakuna maendeleo.

Rais wa Jamhuri ya Muungano wa Tanzania Mhe.Dkt John Pombe Magufuli akipeana mkono baada ya Ufunguzi wa Barabara ya KM 45 Uyovu-Bwaga Na Mkuu wa Mkoa Geita Mhandisi Robert Gabriel.

Rais wa Jamhuri ya Muungano wa Tanzania Mhe.Dkt John Pombe Magufuli akimaliza kukata utepe kuashiria Barabara ya Uyovu Bwaga imezinduliwa rasmi akiwa na Mkuu wa mkoa  kushoto,Naibu Waziri wa Ujenzi, na Wakuu wa Wilaya kutoka mkoa wa Geita.

Rais wa Jamhuri ya Muungano wa Tanzania Mhe.Dkt John Pombe Magufuli akiteta jambo Na Mkuu wa Mkoa Wa Geita Mhandisi Robert Gabriel

Rais Wa Jamhuri ya Muungano wa Tanzania Mhe.Dkt John Pombe Magufuli akisalimiana na Padri wa Kanisa Katoliki Kijiji cha Lyobahika ambapo Uzinduzi Huu Ulifanyika.

Mkuu wa Mkoa wa Geita Mhandisi Robert Gabriel Akitoa Taarifa ya Mkoa Wake wakati wa Uzinduzi wa Barabara ya Uyovu-Bwaga

Rais wa jamhuri ya Muungano wa Tanzania Mhe.Dkt John Pombe Magufuli akihutubia Wananchi wa Uyovu Runzewe katika Uzinduzi wa Barabara ya Uyovu-Bwaga KM45 yenye thamani ya zaidi ya Bilioni 45.