Rais SamiaSuluhu Hassan ametoa mabilioni nchini kwa ajili ya ruzuku kwenye mbolea

Imewekwa: September 16th, 2022

Mbunge wa Jimbo la Bukombe na Waziri wa Madini Dkt. Doto Biteko ameyasema hayo kwenye muendelezo wa ziara yake ambapo alikua kata ya Runzewe mashariki katika kijiji cha msonga na Kasozi.

Dkt. Biteko ameacha neema katika kata hii ambapo ameendelea kuunga mkono nguvu za wananchi kwa kuahidi kutoa Matofali 4000 katika ujenzi wa Zahanati ya Nampangwe pamoja na Tsh. Milioni 4.5 kukamilisha hatua chache zilizobakia kufunguliwa kwa Kituo cha Afya Msonga ambacho kimepata fedha Tsh milioni 200 kutoka serikalini ili kiweze kipanuliwa

Akiongea na wananchi wa kata hii katika mikutano ya hadhara vijiji vya Msonga na Kasozi kwa nyakati tofauti, Mheshimiwa Biteko amesema kuwa, Rais Samia ameleta ahueni kwa wakulima kwani baada ya kuwa wamejiandikisha watapa mbolea kwa bei nafuu kwani Serikali hii imeweka ruzuku kwenye mbolea ili kuinua kilimo ambacho kimeajiri watu wengi.

Dkt. Biteko amewataka pia Wanabukombe kuendelea kuungana na kutokubaguana kwa misingi ya vyama,dini wala makabila bali wote waungane na kupendana kuijenga Bukombe.

Diwani wa kata hii Mhe Mary Nchiba amesema kuwa Dkt. Biteko ameendelea kushiriki shughuli za wananchi kila kijiji ndani ya kata hii ikwemo mabati,saruji na fedha katika ujenzi wa shule ya Bulama, Fedha kwa ajili ya Nampangwe, amesaidia kutafuta milioni 800 kwa ajili ya mradi wa Maji Msonga, Saruji Bulumbaga s/m na maeneo mengine na kuahidi kuendelea kumuunga mkono Biteko kwa kazi kubwa anayoendelea nayo.

*#Kazi iendelee#*