Rudini na ushindi Mashindano ya UMITASHUMTA

Imewekwa: May 26th, 2023

Timu za Mashindano ya UMITASHUMTA ngazi ya Wilaya zimepewa jukumu la kurudi na ushindi katika mashindano ya UMITASHUMTA ngazi ya Mkoa.

"Washiriki mnakwenda kuiwakilisha Wilaya mkajitume na kuhakikisha mnafanya vizuri ili mrudi na ushindi."

Haya ameyasema Mkurugenzi Mtendaji wa Halmashauri ya Wilaya ya Bukombe Lutengano Mwalwiba leo tarehe 24 Mei, 2023 wakati akikabidhi bendera kwa makapteni wa timu.

Aidha amesema michezo ni moja ya kipaumbele katika Wilaya ya Bukombe hivyo amewataka wanafunzi kuonyesha vipaji vyao ambavyo Mwenyezi Mungu amewapatia kupitia UMITASHUMTA.

Kwa upande wake Afisa Michezo Wilaya Jenipher Kisusi amesema washiriki wa michezo wamepata mafunzo mbalimbali yakiwemo ya kuimarisha umahiri wa stadi za michezo na malezi bora.

Naye Sophia Mchina kwa niaba ya wanafunzi 

wenzake ameahidi kufanya vizuri katika mashindano na kurudi nyumbani na ushindi.

" Tutafanya vizuri na kurudi na ushindi kwa sababu uwezo tunao."

Halmashauri ya Wilaya ya Bukombe ina jumla ya Wanafunzi 110 waliokwenda kwene mashindano ya UMITASHUMTA ngazi ya Mkoa ambao watashiriki michezo mbalimbali ikiwemo mpira wa miguu (wav) mpira wa miguu (was), mpira wa Pete, riadha, mpira wa mikono (wav), mpira wa mikono (was) na kwaya.

#Michezo ni urafiki, michezo ni afya na michezo ni ajira.

# Bukombe hakuna kilichosimama