Serikali kuwashukia watakao kwamisha upuliziaji wa dawa za ukoko majumbani.

Imewekwa: November 19th, 2021

Mkuu wa Wilaya ya Bukombe Mhe.Said Nkumba Mkoani Geita amesema serikali haita waacha salama wale wote watakaokwamisha upuliziaji wa Dawa ya Ukoko Majumbani.

Hayo ameyasema tarehe 17 Novemba, 2021 wakati wa uzinduzi wa zoezi la upuliziaji wa Dawa ya Ukoko.

Katika utekelezaji wa agizo hilo amewataka viongozi kuanzia ngazi ya kitongoji kutoa taarifa ofisini kwake kwa wale wote watakao kwamisha zoezi hilo ili wachukuliwe hatua.

Nkumba amewataka wananchi kuhakisha wanatoa ushirikiano kwa wapuliziaji wa dawa hizo zinazouwa mazalia ya mbu ili kufikia lengo la kupunguza ugonjwa wa Maralia kwa asilimia 100.

Mganga mkuu wa wilaya ya Bukombe mkoani Geita Dk Olden Ngasa amewaomba wananchi kuachana na zana potofu juu ya dawa ya ukoko inaonyunyuziwa majumbani kwa ajili ya kuua mazalia ya mbu ili kuendela kupunguza ugonjwa wa malaria.

Dk Ngasa alisema dawa hiyo haina mazara wala haipunguzi nguvu za kiume, wala haisababishi mazara ya kiafya badae, imethibitishwa na kuhakikishwa na wana Sayansi.

Mratibu wa malaria wilaya ya Bukombe Musa Lubadaja amesema wakati zoezi hili linaanza mwaka jana utafiti ulionyesha wanafunzi mashukeni asilimia 42.7 wanaugonjwa wa malaria hadi Novemba 17,2021 ugonjwa huo umeshuka na kufikia asilimia 25.5 yakiwa nimatokeo ya umwagiliaji majumbani dawa ya ukoko.

Alisema lengo la serikali ni kuokoa akinamama wajawazito na watoto waliochini ya miaka 5 na kuhakikisha wananchi wengine wanaodokana na ugonjwa wa Malaria ambao umekuwa nichanzo cha kushusha uchumi.

Lubadaja alisema mwaka 2018 maambukizi kwa watu wote ukiodoa wanafunzi kabla ya kupulizia ilikuwa asilimia 30.5 hadi 2019 bada ya kupulizia dawa ya ukoko ni asilimia 21.5.

Mkazi wa Igulwa Anna George amesema yuko tayali nyumba yake kupuliziwa dawa ya ukoko ili kukinga malaria, mwaka jana alipo puliziwa familia yake ilipunguza maabukizi ya ugonjwa wa malaria.

Zoezi la upuliziaji wa Dawa ya Ukoko Majumbani linatekelezwa na Serikali ya Jamhuri ya Muungano wa Tanzania kwa kushirikiana na Shirika la Abt Associates chini ya ufadhili wa Serikali ya Marekani kupitia USAID.

MWISHO