Shillingi Millioni 11.9 za wanakijiji zajenga vyumba viwili vya madarasa shule ya msingi Ihurike wilayani Bukombe.

Imewekwa: April 3rd, 2017

Mkuu wa Wilaya ya Bukombe Mhe Josephat Maganga amehudhuria hafla ya ufunguzi wa vyumba viwili vya madarasa kwaajili ya wanafunzi wa awali na darasa la pili shule ya msingi Ihurike "Nimefurahishwa sana na tafsiri nzuri kuhusu Elimu bure na bora kwa watoto wetu kwa kuchangia kwa hali na mali na kuongeza na kuboresha miundombinu ya elimu hakika hili ni jambo la kunijivunia sana" amesema Maganga.

Aidha Mkuu wa Wilaya ametoa pongezi za dhati  viongozi wa vijiji, Diwani wa kata ya Ushirombo Mhe.Lameck Warangi na Mbunge wa Bukombe Mhe.Doto Biteko kwakuwa viongozi bora wenye ushawishi mzuri wa kuleta Maendeleo katika Elimu wilayani kwetu, kwa pamoja sasa tuendelee kuwa watu wenye kujivunia maendeleo yetu na kuendelea kushirikiana kuboresha miundombinu yetu ya Elimu na Afya." 

Diwani wa kata ya Ushirombo Mhe.Lameck Warangi  amedhirisha furaha yake kwa wanaIhurike kukamilisha ujenzi huu wenye thamani ya Shilling Millioni 22.9 ndani ya siku 60 ikiwa nguvu za wananchi ni shillingi millioni 11.9 na Millioni 11.9 kutoka serikali kuu, "Wananchi wangu tuendelee kupambana ili kuleta maendeleo ya kielimu na kiuchumi katika vijiji vyetu nasema haya sababu mwenyeviti kutoka vijiji vingine kwenye kata yangu mpo hapa na mmejionea ujenzi huu wa miundombinu ya elimu niiteni nitakuja , maendeleo ya vijiji vyetu huletwa na sisi wenyewe tuchape kazi na pia tuendelee kumshirikisha Mbunge wetu wa Bukombe Mhe.Doto Biteko katika mikakati yetu ya maendeleo,Mbunge wetu anapenda maendeleo atatusaidia na kutuongoza vyema tumpe shukrani zetu za dhati katika kukamilisha maendeleo haya."

Shule ya Msingi Ihurike ina jumla ya wanafunzi 427, wavulana wakiwa 201 na wasichana 226 na walimu 9, pia ina choo kimoja chenye matundu 4,upungufu ukiwa ni matundu 8 kwa wanafunzi wa kike na matundu 6 kwa wanafunzi wa kiume, huku walimu wakiwa hawana choo kabisa na ni shule inayopakana na hifadhi ya msitu wa Kigosi Moyowosi.