Soko la kimataifa la Zao la Mihogo wilayani Bukombe kukamilika.

Imewekwa: June 2nd, 2017

Kilimo cha zao la Mihogo wilayani Bukombe kuwa cha uhakika hivyo kupelekea uhitaji wa zao hili kwa wingi kwa wananchi kutoka sehemu mbalimbali nje ya wilaya,mkoa hadi nchi kuhitaji sana zao hili hivyo kupelekea ujenzi wa soko kwa haraka na kwa umakini mkubwa. Zao hili ambalo linasafirishwa katika nchi za Rwanda,Burundi,Uganda na DRC Congo na wafanyabiashara kutoka chi za Afrika Mashariki,ndipo Halmashauri ilipoona umuhimu wa Kuwa na soko la kisasa ili kurahisisha wananchi kuuza zao hilo kwa wingi na kwa utaratibu.Pia kuongeza mapato kwani kutakuwa na udhibiti wa wafanyabiashara wa zao hili ambao hawalipi ushuru.

Soko hili limejengwa na Mradi wa MIVARF katika Kata ya Namonge kijiji cha Namonge kutokana na uwepo wa ardhi yenye rutuba hivyo wananchi  kuamua kulima sana zao la Mihogo. Ujenzi wa soko hili umeambatana na ujenzi wa maghala ya kuhifadhia mazao,ambapo mradi huu upo katika hatua za ukamilishaji.

Mkurugenzi Mtendaji wa Halmashauri ya wilaya ya Bukombe Ndugu Dionis Myinga anapenda kuwakaribisha wafanyabiashara kuchangamkia fursa za uwekezaji wa zao hili la Mihogo.

                                                                                                                         Maghala ya kuhifadhia mazao.

                                                                                                                     Jengo la Soko ambalo katika hatua za ukamilishaji.

                                                                                              Meza za kisasa zilizojengwa kwa sementi kwaajili kuuzia mazao.

                                                                                                                      Soko la kimataifa na la kisasa la Zao la Mihogo.