suala la utoro na mimba mashuleni kuwa agenda ya kudzu kamati ya maendeleo ya kata

Imewekwa: July 18th, 2018

Baraza la waheshimiwa Madiwani Halmashauri ya Wilaya ya Bukombe leo kwa kauli moja wameazimia suela ya mimba  kwa watoto wa shule wasichana na utoro mashuleni kuwa ajenda ya kudumu katika vikao vya  kamati ya maendeleo ya kata (WDC).

Wahemishimiwa madiwani wamefikia maamuzi hayo baada ya kugundua bado kuna tatizo la mimba kwa wanafunzi wa kike , na utoro wa wanafunzi , na kwa kuona hivyo sasa waheshimiwa madiwani wameona ipo haja ya kushughulikia tatizo hilo kuanzia  ngazi ya kijiji ambapo kila shule ikusanye taarifa za utoro wa wanafunzi na mimba kwa watoto wa kike waliopo mashuleni na taarifa hiyo kuwasilishwa katika kila kikao cha kamati ya maendeleo ya kata.

 Katika Baraza hilo la Madiwani Mwenyekiti wa Halmashauri mhe.Safari Nicas Mayala amesema kila diwani akawe chachu ya kuhamisisha maendeleo katika kata ya hususani ujenzi wa Zahanati ili kusogeza  huduma zaidi kwa wananchi , pia na kuongeza vyumba vya madarasa kwa ajili ya ujenzi wa shule.

Diwani wa kata ya Bulangwa mhe Yusuph Mohamed ameunga mkono hoja yam he Mwenyekiti, na kueleza kuwa katika kata yake, amefanikiwa kuhamasisha wananchi kuchangia zaidi ya milioni 3, ujenzi wa vyumba vitatu vya kisasa vya madarasa  katika shule ya sekondari Ushirombo, pia amehamasisha ujenzi wa vyumba vitano shule ya msingi azimio na vyumba vitatu shule ya msingi ushirombo.

Naye Diwani wa kata ya Igulwa mhe.Richard Mabega amesema kata yake haina shule ya sekondari hata moja, lakini kwa uhamasishaji unaoendelea wa ujenzi wa vyumba vitano vya madarasa, ameomba sasa ofisi ya Mkurugenzi iweze  kusaidia kukamilisha miundombinu hiyo kwani wamefikia hatua ya kuezeka,na tayari ameshapata mabati zaidi ya 200 kutoka kwa wadau mbalimbali katika kata yake.

Pia Diwani wa kata ya Busonzo ambaye ndiye Mwenyekiti wa Halmashauri Mhe. Safari Nicas Mayala amesema kata yake imehamasika kujenga zahanati kwa kila kijiji baada ya Mkuu wa Mkoa wa Geita mhe. Robert Gabriel Luhumbi kushiriki ujenzi wa zahanati   katika vijiji vya Nampalahala na Kabagole, imeleta chachu kubwa na hari ya kujitolea kwa wananchi, “Mkuu wa mkoa wetu ameshiriki sio Busonzo tu bali na kijiji cha Shilabela kilichopo kata ya Namonge.

 Aidha Baraza la Madiwani limesisitiza Afisa Mifugo kuhahakikisha wanawatokomeza kabisa mbwa wanaozagaa hovyo mtaani kwani ni habari kwa wananchi hususani watoto, kumekuwa na matukio mengi ya watoto kung’atwa na mbwa mpaka kupelekea mtoto huyo kutoka Bulega kufariki dunia. 

                Mwenyekiti wa Halmashauri mhe. Safari Nicas Mayala akifungua mkutano wa Baraza la waheshimiwa madiwani.

                                                  Waheshimiwa madiwani wakiwa katika mkutano wa baraza la waheshimiwa madiwani.

                           Wakuu wa idara mbalimbali na wananchi wakiwa katika mkutano wa baraza la waheshimiwa madiwani.